فۋتبولدان فارەر ارالدارى مەن قازاقستاننىڭ ەرلەر قۇرامالارى ۋەفا ۇلتتار ليگاسىنىڭ 2026/27 ماۋسىمىنداعى ءبىرىنشى تۋرداعى كەزدەسۋىن تەڭ اياقتادى. س ليگاسىنىڭ س3 توبىندا وتكەن ويىن 1:1 ەسەبىمەن ءبىتتى، دەپ حابارلايدى infohub.kz سايتى.
ماچ تورسحاۆنداعى «تورسۆوللۋر» ستاديونىندا ءوتتى. باستاپقى ىسقىرىقتان بۇرىن كاسپيدەگى قايعىلى وقيعا قۇرباندارىن ەسكە الۋ ءۇشىن ءبىر مينۋت ۇنسىزدىك جاريالاندى.
الاڭ يەلەرى 14-مينۋتتا العا شىقتى: شابۋىلشى وكي سامۋەلسەن قورعاۋشى اندرياس ەندمۋندسسوننىڭ بەرگەن پاسىن ءبىر تيۋمەن قاقپاعا باعىتتادى.
قوناقتار 26-مينۋتتا ەسەپتى تەڭەستىردى — قورعاۋشى تەمىرلان ەرلانوۆ بۇرىشتان ورىندالعان دوپتى باسپەن قاقپاعا ءدال باعىتتادى، ونى كوماندا كاپيتانى ءارى جارتىلاي قورعاۋشى باۋىرجان يسلامحان بەرگەن ەدى.
تەڭ ويىن ەكى قۇراماعا دا ءبىر-بىر ۇپاي اكەلدى. س3 توبىندا فارەر ارالدارى مەن قازاقستاننان بولەك سلوۆاكيا مەن مولدوۆا دا ونەر كورسەتەدى.
بۇل ماچ نيدەرلاند مامانى دجون ۆان 'ت ءسحيپتىڭ قازاقستان قۇراماسىنىڭ باس باپكەرى رەتىندەگى العاشقى ويىنى بولدى — ول بۇل قىزمەتتە تالعات بايسۋفينوۆتىڭ ورنىن باستى.
ۇلتتار ليگاسىنىڭ ەكىنشى تۋرىندا قازاقستان قۇراماسى سلوۆاكيامەن كەزدەسەدى. كوشيسەدەگى ويىن استانا ۋاقىتىمەن 29 قىركۇيەكتە 23:45-تە باستالادى.