جاپونيادا ءوتىپ جاتقان ازيا ويىندارىندا قازاقستاننىڭ ەرلەر ۆولەيبول قۇراماسى ساتسىزدىكتەر سەرياسىن توقتاتتى. پاكىستان مەن جاپونيادان جەڭىلگەن سوڭ قازاقستاندىق سپورتشىلار وزبەكستان كومانداسىن 3:1 (13:25، 25:22، 25:22، 25:17) ەسەبىمەن ۇتتى، دەپ حابارلايدى infohub.kz سايتى.
مەدال مۇمكىندىگىنەن مەرزىمىنەن بۇرىن ايىرىلعان كورشىلەر ا توبىنداعى ءۇشىنشى ورىندى تالاستىردى. ويىن تارتىستى ءارى ىمىراسىز ءوتتى. ءبىرىنشى پارتيانى تازا ۇتىلعان سەرگەي تريكوز شاكىرتتەرى ەكىنشى پارتيادا نامىسىن قايرادى. اقىرى ءوز كۇشىندە ويناي باستاعان قازاقستاندىقتار قاتارىنان ەكى پارتيانىڭ شيەلەنىستى سوڭىن ءوز پايداسىنا شەشتى. ال ءتورتىنشى سەتتە قارسىلاسىن تىزە بۇكتىردى.
كومانداعا 10 ۇپايدى شابۋىلشى اسىلحان ىزبەرگەن ۇلى اكەلدى، ونىڭ ارىپتەسى ۆلاديسلاۆ ءماستيحيننىڭ ەنشىسىندە 9 ۇپاي بار.
قازاقستان دا، وزبەكستان دا ازيادانى 9-16-ورىندار ءۇشىن ماچتارمەن جالعاستىرادى. توبىمىزدىڭ ۇزدىك كوماندالارى — جاپونيا مەن پاكىستان مەدال ءۇشىن كۇرەسەدى.
ازيا ويىندارى-2026
ۆولەيبول. ەرلەر
ا توبى
🏐 پاكىستان – قازاقستان 3:1، جاپونيا – وزبەكستان 3:0، پاكىستان – وزبەكستان 3:0، جاپونيا – قازاقستان 3:0، قازاقستان – وزبەكستان 3:1
1. جاپونيا – 6، 2. پاكىستان – 6، 3. قازاقستان – 3، 4. وزبەكستان – 0
ۆ توبى
🏐 يران – قىرعىزستان 3:0، تايلاند – يندونەزيا 3:2، يندونەزيا – قىرعىزستان 3:0، يران – تايلاند 3:0، قىرعىزستان – تايلاند 0:3
1. يران – 6، 2. تايلاند – 5، 3. يندونەزيا – 4، 4. قىرعىزستان – 0
س توبى
🏐 كاتار – گونكونگ 3:1، ءۇندىستان – ۆەتنام 3:0، ءۇندىستان – گونكونگ 3:0، كاتار – ۆەتنام 3:0، گونكونگ – ۆەتنام 1:3
1. ءۇندىستان – 6، 2. كاتار – 6، 3. ۆەتنام – 3، 4. گونكونگ – 0
D توبى
🏐 وڭتۇستىك كورەيا – فيليپپين 3:0، جۇڭگو – جۇڭگو تايبەيى 3:2، جۇڭگو – فيليپپين 3:0، وڭتۇستىك كورەيا – جۇڭگو تايبەيى 3:1
1. وڭتۇستىك كورەيا – 6، 2. جۇڭگو – 5، 3. جۇڭگو تايبەيى – 1، 4. فيليپپين – 0
ەرلەر اراسىنداعى ۆولەيبول ءتۋرنيرى ازيادالاردا 1958 جىلدان بەرى وتكىزىلىپ كەلەدى. ونى جيىرەك جاپوندىقتار جەڭىپ العان. قازاقستان قۇراماسى جۇلدەگەرلەر قاتارىنا ەشقاشان كىرمەگەن.
XX جازعى ازيا ويىندارى رەسمي تۇردە 19 قىركۇيەكتە اشىلدى جانە 4 قازاندا اياقتالادى. 45 ەلدىڭ سپورتشىلارى قاتىساتىن جارىستاردا 460 كومپلەكت ناگرادا ساراپقا سالىنۋدا. ازيادا-2026-دا قازاقستان قۇراماسىنىڭ قۇرامىندا 35 سپورت تۇرىنەن 558 سپورتشى ونەر كورسەتۋدە.
ويىنداردىڭ ءبىرىنشى كۇنى قازاقستاندىقتار ءتورت التىن مەدال جەڭىپ الدى. ويىندار چەمپيوندارى اتانعاندار: ۆەلوشاباندوزدار ريناتا سۇلتانوۆا مەن الەكسەي لۋسەنكو، سونداي-اق كاراتەشىلەر جولامان بيگابىل مەن سوفيا بەرۋلسەۆا. قۇراما قورجىنىنا بەسىنشى التىندى مما جەكپە-جەگىنىڭ شەبەرى ەركىنعالي بۇركىتالين قوستى. التىنشىسىن — ارالاس جەكپە-جەكتەگى كوماندالاسى قادىربەك شىنبايەۆ. 23 قىركۇيەكتە لۋسەنكو اي-2026-نىڭ ەكى دۇركىن چەمپيونى اتاندى. سەگىزىنشى جوعارى سىناقتاعى مەدالدى 24 قىركۇيەكتە ەسكەكشىلەر ۆلاديسلاۆ ياكوۆليەۆ پەن يۆان چەرنۋحين ەرلەر اراسىنداعى جۇپتىق ەسۋ جارىسىندا جەڭىپ الدى. توعىزىنشى التىن مەدالدى ءبىزدىڭ شپاگاشىلار كومانداسى يەلەندى.
ويىنداردىڭ توعىز كۇنىنەن كەيىن قازاقستان بەيرەسمي مەدال ەسەبىندە بەسىنشى ورىندا تۇردى.