الداعى دەمالىس كۇندەرى قازاقستاننىڭ وڭتۇستىگىندە اپتاپ ىستىق، ال سولتۇستىگىندە نايزاعايلى جاڭبىر كۇتىلەدى. «قازگيدرومەت» مالىمەتىنشە، اۋا رايىنىڭ قۇبىلمالى بولۋىنا سولتۇستىك-باتىس سيكلون اسەر ەتەدى، دەپ حابارلايدى infohub.kz.
ەلدىڭ باتىسىندا، سولتۇستىگىندە جانە ورتالىعىندا نايزاعايلى جاڭبىر جاۋادى. كەيبىر اۋدانداردا قاتتى نوسەر، بۇرشاق جانە داۋىلدى جەل بولجانادى، ال وڭتۇستىكتە شاڭدى داۋىل تۇرۋى مۇمكىن. وڭتۇستىك، وڭتۇستىك-شىعىس جانە كەي جەرلەردە ورتالىق وڭىرلەردە كۇن اشىق، جاۋىن-شاشىنسىز بولادى.
جاڭبىردان كەيىن سولتۇستىك جانە سولتۇستىك-باتىستا اۋا تەمپەراتۋراسى تومەندەپ، كۇندىز +21…+29 گرادۋسقا دەيىن جەتەدى. قالعان وڭىرلەردە ىستىق باسىلمايدى. شىعىس پەن ورتالىقتا اۋا +39°C-قا، ورتالىق جانە شىعىس وبلىستاردىڭ وڭتۇستىگىندە +42°C-قا، وڭتۇستىك-باتىستا +44°C-قا، ال وڭتۇستىك پەن وڭتۇستىك-شىعىستا +45…+48°C-قا دەيىن قىزادى.
استانادا اۋا اينىمالى بۇلتتى، جاۋىن-شاشىنسىز: تۇندە +17…+19، كۇندىز +32…+34 گرادۋس. الماتىدا دا جاۋىن-شاشىنسىز: تۇندە +23…+25، كۇندىز +40…+42 گرادۋس. شىمكەنتتە جاۋىن-شاشىنسىز: تۇندە +23…+25، كۇندىز +45…+47 گرادۋس.