قازاقستاننىڭ يۋنيورلاردان قۇرالعان ترياتلون كومانداسى رۋمىنيانىڭ يزۆوراني قالاسىندا وتكەن ەۋروپا كۋبوگى كەزەڭىنىڭ ارالاس ەستافەتاسىندا كۇمىس جۇلدەگە يە بولدى. بۇل تۋرالى infohub.kz حابارلايدى.
قۇرامىندا ديانا ەرجانوۆا، الۋا نۇرمۇحامەت، ءالحام مۇرات جانە ارسەني شەۆچەنكو بولعان كوماندا 01:34:56 ناتيجە كورسەتتى. جەڭىستى رۋمىنيا قۇراماسى قانجىعالادى (01:34:31)، ءۇشىنشى ورىندى تۇركيا (01:35:42) يەلەندى.
بۇعان دەيىن ديانا ەرجانوۆا جەكە سىندا 00:35:41 ناتيجەمەن ەلگە التىن اكەلگەن ەدى. ەكىنشى ورىندى رۋمىنيادان تۋندە كريسان (00:35:48)، ءۇشىنشىنى يتاليالىق ەليس ۆەنترە (00:35:50) الدى.
وزگە قازاقستاندىق سپورتشىلاردان الۋا نۇرمۇحامەت بەسىنشى (00:36:03)، كالەريا شنايدەر التىنشى (00:36:07)، ايدا كيم توعىزىنشى (00:36:13) بولدى.