2026 جىلدىڭ باسىندا قازاقستاندا 60 جانە ودان جوعارى جاستاعى تۇرعىنداردىڭ سانى 2 923 472 ادامعا جەتتى. بۇل ەل حالقىنىڭ 14،2%-ىن قۇرايدى. بۇل تۋرالى ۇلتتىق ستاتيستيكا بيۋروسى حابارلادى، دەپ جازادى infohub.kz سايتى.
ەگدە جاستاعى ازاماتتار اراسىندا ايەلدەر ەرلەردەن ايتارلىقتاي كوپ: ايەلدەر سانى 1 760 202 ادام بولسا، ەرلەر 1 163 270 ادامدى قۇرايدى.
60 جاستان اسقاندار ەڭ كوپ تۇراتىن ءوڭىر — الماتى: مۇندا 328 385 ادام بار. ودان كەيىن تۇركىستان وبلىسى — 216 544 ادام، قاراعاندى وبلىسى — 212 487 ادام، الماتى وبلىسى — 203 499 ادام جانە استانا — 171 138 ادام تۇر.
زەينەتكەرلەردىڭ 1 894 268ء-ى قالادا، 1 029 204ء-ى اۋىلدا تۇرادى.
سونىمەن قاتار ۇلتتىق ستاتيستيكا بيۋروسىنىڭ مالىمەتىنشە، ەلدە 1 323 ادام ءجۇز جانە ودان اسقان جاستا.
2026 جىلدىڭ ەكىنشى توقسانىندا 60 جانە ودان جوعارى جاستاعى جۇمىس ىستەيتىن ازاماتتاردىڭ سانى 465 302 ادام بولدى.
2025 جىلعى جاعداي بويىنشا قازاقستاندا 2 415 095 زەينەتاقى الۋشى بولعان.