قازاقستاندا دارىلىك زاتتاردىڭ ءبىر بولىگى مەملەكەتتىك باعا رەتتەۋىنەن شىعارىلعاننان كەيىن پرەپاراتتاردىڭ 26،2%-ىنىڭ قۇنى تومەندەدى. بۇل تۋرالى باسەكەلەستىكتى قورعاۋ جانە دامىتۋ اگەنتتىگى حابارلادى، دەپ جازادى infohub.kz سايتى.
ۆەدومستۆونىڭ ناقتىلاۋىنشا، 2023 جىلى 302 رەسەپتسىز پرەپارات رەتتەۋدەن شىعارىلدى، 2024 جىلى — 952. 2025 جىلى 1 868 پوزيسيانى رەتتەۋدەن شىعارۋ تولىعىمەن اياقتالدى.
«2026 جىلدىڭ مامىرىنان باستاپ قۇنى 1 اەك-تەن تومەن 3 050 رەسەپتىلىك دارىلىك زات قوسىمشا رەتتەۋدەن شىعارىلدى. 2027 جىلى كوممەرسيالىق سەگمەنتتە باعانى رەتتەۋدەن شىعارۋدى اياقتاۋ جوسپارلانۋدا. مەملەكەتتىك باعا رەتتەۋى تەك تمككك جانە ءمامس اياسىنداعى دارىلىك زاتتار ءۇشىن ساقتالادى»، — دەدى باسەكەلەستىكتى قورعاۋ جانە دامىتۋ اگەنتتىگىندە.
دارىلەردىڭ ءبىر بولىگى مەملەكەتتىك باعا رەتتەۋىنەن شىعارىلعاننان كەيىن تاڭبالاۋ جۇيەسىنىڭ دەرەكتەرى نەگىزىندە باعالاردىڭ ناقتى ديناميكاسىنا مونيتورينگ جۇرگىزىلدى. مەديسينالىق جانە فارماسەۆتيكالىق باقىلاۋ كوميتەتى 2025 جىلعى 8 تامىزداعى جانە 2026 جىلعى شىلدەدەگى جاعداي بويىنشا 2 635 ءدارىنىڭ ساتۋ باعاسىن سالىستىردى.
698 دارىلىك زات بويىنشا باعالار ورتا ەسەپپەن 26،2%-عا تومەندەدى: 456 پوزيسيا بويىنشا — 20%-عا دەيىن، 242 پوزيسيا بويىنشا — 20%-دان استام. 1 142 پوزيسيا بويىنشا باعالار وزگەرىسسىز قالدى.
795 پرەپارات بويىنشا ءوسىم تىركەلدى — ورتا ەسەپپەن 29،9%-عا، ونىڭ ىشىندە 646 پوزيسيا بويىنشا — 20%-عا دەيىن، 149 پوزيسيا بويىنشا — 20%-دان استام.
«مونيتورينگ ناتيجەلەرى جالپى العاندا رەتتەۋدەن شىعارىلعاننان كەيىن باعانىڭ ايتارلىقتاي ءوسۋى جوق ەكەنىن كورسەتەدى جانە باسەكەلەس ورتادا باعانى دەربەس قالىپتاستىرۋ مۇمكىندىگىن راستايدى. سونىمەن قاتار باعا ديناميكاسى وڭىرلەر بويىنشا ءارتۇرلى. باعا بەلگىلەۋ مەحانيزمىن جەتىلدىرۋ اكىمشىلىك كەدەرگىلەردى ازايتۋمەن جانە دارىلىك زاتتار مەن مەديسينالىق بۇيىمداردى نارىققا جىبەرۋ راسىمدەرىن سيفرلاندىرۋمەن قاتار ءجۇردى»، — دەدى ۆەدومستۆودا.