قازاقستاندا تەڭگەگە بايلانعان جانە Telegram-دا جۇمىس ىستەيتىن KZTg ستەيبلكوينى ىسكە قوسىلدى. توكەننىڭ العاشقى شىعارىلىمى الماتىدا وتكەن Central Asia Fintech Summit 2026 اياسىندا جاسالدى. بۇل تۋرالى تاۋەلسىز قارجى ساراپشىسى اندرەي چەبوتاريەۆ حابارلادى، دەپ جازادى infohub.kz سايتى.
ونىڭ دەرەگىنشە، TG Coin جوباسى ورتالىق ازيادا Telegram-دا جۇمىس ىستەيتىن ۇلتتىق ۆاليۋتاداعى العاشقى ستەيبلكوين، سونداي-اق TON جەلىسىندەگى العاشقى دوللارعا بايلانباعان ستەيبلكوين رەتىندە تانىستىرىلىپ وتىر.
KZTg تەڭگەمەن بىرگە بىرگە قاتىناسىندا قامتاماسىز ەتىلگەن. پايدالانۋشى بانك كارتاسىمەن نەمەسە اۋدارىم ارقىلى 1 تەڭگە = 1 KZTg باعامى بويىنشا بالانسىن تولىقتىرىپ، كەيىن قاراجاتتى Telegram ارقىلى ۇلتتىق ۆاليۋتاعا قايتا شىعارا الادى.
قىزمەتپەن جۇمىس ىستەۋ ءۇشىن جەكە باستى ۆەريفيكاسيالاۋ قاجەت. چەبوتارەۆتىڭ ايتۋىنشا، وپەراسيالار سانكسيالىق تىزىمدەر مەن ساياسي تۇرعىدان ماڭىزدى تۇلعالار (PEP) تىزىمدەرى بويىنشا دا تەكسەرىلەدى. جوبا ۇلتتىق بانكتىڭ رەتتەۋشىلىك پەسوچنيساسىندا جۇمىس ىستەيدى، وپەراتورى — «Alt coin» ج ش س.
ۇلتتىق بانك 2026 جىلعى 1 مامىردان باستاپ سيفرلىق اكتيۆتەر اينالىمىن كەشەندى رەتتەۋدى ەنگىزدى. جاڭا جۇيە، اتاپ ايتقاندا، اقشامەن قامتاماسىز ەتىلگەن ستەيبلكويندەردى قامتيتىن سيفرلىق قارجىلىق اكتيۆتەردى ءبولىپ كورسەتەدى.
KZTgء-نىڭ ىسكە قوسىلۋى 11 قىركۇيەكتە الماتىدا وتكەن جانە قارجى جانە تەحنولوگيا نارىقتارىنىڭ 4 مىڭنان استام قاتىسۋشىسىن جيناعان Central Asia Fintech Summit-تە جاسالدى.
چەبوتاريەۆ جوبا ءۇشىن شىعارىلعان توكەندەردى قامتاماسىز ەتەتىن رەزەرۆتەردى راستاۋ نەگىزگى ماسەلە بولاتىنىنا نازار اۋداردى. ونىڭ ايتۋىنشا، وسى رەزەرۆتەردىڭ تۇراقتى جاريا ءاۋديتىنىڭ بولۋى ماڭىزدى كورسەتكىش بولادى.
قازاقستاندا تەڭگەلىك ستەيبلكويننىڭ پايدا بولۋى تۋرالى شامامەن ءبىر جىل بۇرىن ايتىلا باستاعان. بۇعان دەيىن «كۋرسيۆ» Binance Kazakhstan باسشىسى نۇرحات كۇشىموۆ وسىنداي قۇرالدىڭ 2026 جىلى ىسكە قوسىلۋىن جوققا شىعارماعانىن جازعان.