قازاقستاندا جول جۇمىستارىنىڭ ساپاسىن تەكسەرۋ قورىتىندىسى بويىنشا 22 تەحنيكالىق قاداعالاۋ ساراپشىسى جۇمىستان شىعارىلىپ، جاۋاپتى ماماندارعا جالپى سوماسى 53،4 ملن تەڭگە كولەمىندە ايىپپۇل سالىندى. بۇل تۋرالى infohub.kz سايتى حابارلايدى.
«قازاۆتوجول» ۇلتتىق كومپانياسى» اكسيونەرلىك قوعامىنىڭ Telegram-ارناسىندا ءمالىم ەتكەندەي، بيىل كومپانيا ماماندارى ورىندالىپ جاتقان جول جۇمىستارىنىڭ ساپاسىنا 50-دەن استام تەكسەرۋ جۇرگىزدى. ناتيجەسىندە 1670 اقاۋ مەن بۇزۋشىلىق انىقتالدى.
«انىقتالعان اقاۋلاردىڭ قاتارىندا شۇڭقىرلار، جارىقتار، ويىقتار، اسفالتبەتون جابىننىڭ جىلجۋى، ءىز قالۋ جانە اۆتوموبيل جولدارىنىڭ پايدالانۋ جاعدايىنا اسەر ەتەتىن باسقا دا بۇزۋشىلىقتار بار. بۇگىنگى تاڭدا ولاردىڭ 831ء-ى، ياعني جالپى سانىنىڭ 49،8%-ى جويىلدى. قالعان ەسكەرتۋلەردى جويۋ جۇمىستارى جالعاسۋدا»، — دەدى كومپانيادا.
ءاربىر فاكتى بويىنشا جاۋاپتى تۇلعالار انىقتالىپ، ءتيىستى شارالار قولدانىلاتىنى اتاپ ءوتىلدى. وسىلايشا، جۇمىس ساپاسىنا ءتيىستى باقىلاۋ جاساماعان تەحنيكالىق قاداعالاۋ ماماندارىنا جالپى سوماسى 53،4 ملن تەڭگە ايىپپۇل سالىندى. سونىمەن قاتار، 22 تەحنيكالىق قاداعالاۋ ساراپشىسى جۇمىستان شىعارىلدى.
«قازاۆتوجولدا» اقاۋدىڭ انىقتالۋى ونى قابىلداۋ دەگەندى بىلدىرمەيتىنىن اتاپ ءوتتى: مەردىگەر ۇيىمدارعا ەسكەرتۋلەردى جويۋ تالاپتارى قويىلىپ، جاۋاپتى تۇلعالارعا كوزدەلگەن شارالار قولدانىلادى.
جول نىساندارىن تەكسەرۋ رەسپۋبليكالىق جەلى بويىنشا جالعاساتىنى حابارلاندى.