جاپونيادا وتكەن ازيادا-2026 ويىندارىندا قازاقستاننىڭ ايەلدەر بوكس قۇراماسى ءوز ونەرىن اياقتادى. ولار ەكى قولا مەدال جەڭىپ الدى: ولاردى الۋا بالكيبەكوۆا مەن ناتاليا بوگدانوۆا اكەلدى. ەكەۋى دە فينالعا ءبىر قادام جەتپەي توقتادى، دەپ حابارلايدى infohub.kz سايتى.
51 كەلىگە دەيىنگى سالماق دارەجەسىندە بالكيبەكوۆا ۆەتنام سپورتشىسى نگۋەن تحي تاممەن جارتىلاي فينالدا كەزدەستى. قازاقستاندىق سپورتشى تورەشىلەردىڭ ءبىراۋىزدان شەشىمىمەن ۇتىلدى – 0:5.
75 كەلىگە دەيىنگى سالماقتا بوگدانوۆا جارتىلاي فينالدا ءۇندىستان وكىلى لوۆلينا بورگوحاينمەن شارپىستى. جەكپە-جەك ءۇندى سپورتشىسىنىڭ پايداسىنا بولەك شەشىممەن اياقتالدى – 3:2.
وسىلايشا، قازاقستاننىڭ ايەلدەر بوكس قۇراماسى ازيادا-2026 ويىندارىندا ەكى قولا مەدالمەن ونەر كورسەتۋىن ءتامامدادى.
بۇعان دەيىن قازاقستان قۇراماسىنىڭ كاپيتانى ايبەك ورالباي 90 كەلىدەن جوعارى سالماق دارەجەسىندە فينالعا شىققان بولاتىن. جارتىلاي فينالدا ول تورەشىلەردىڭ ءبىراۋىزدان شەشىمىمەن ءۇندىستاندىق نارەندەردى جەڭدى – 5:0.
جاپونياداعى XX جازعى ازيا ويىندارى 19 قىركۇيەكتە رەسمي تۇردە اشىلدى. 45 ەلدىڭ سپورتشىلارى قاتىساتىن جارىستا 460 مەدال جيىنتىعى ساراپقا سالىنۋدا. ازيادا-2026-دا قازاقستان قۇراماسىنىڭ قۇرامىندا 35 سپورت تۇرىنەن 558 سپورتشى سىنعا تۇسۋدە.