جاپونيانىڭ ايتي-ناگويا وڭىرىندە ءوتىپ جاتقان ازيا ويىندارى-2026-دا قازاقستاندىق سپورتشى سەيىلحان بولاتبەك تۇعىرعا كوتەرىلدى، دەپ حابارلايدى infohub.kz سايتى.
21 جاستاعى دجيتسەر 77 كەلىگە دەيىنگى سالماق دارەجەسىندە سىنعا ءتۇستى. شيرەك فينالدا ول جەڭىلىس تاپقانىمەن، جۇباتۋ اينالىمى ارقىلى قولا مەدال ءۇشىن بەلدەسۋگە جول تارتتى.
ءۇشىنشى ورىن ءۇشىن تالاستا بولاتبەكتىڭ قارسىلاسى — فينالعا شىعۋعا ءبىر قادام جەتپەي قالعان وتانداسى ادلان مادايەۆ بولدى. ەكى قازاقستاندىقتىڭ جەكپە-جەگى بولاتبەكتىڭ 2:0 ەسەبىمەن جەڭىسىمەن اياقتالدى — ول ازيا ويىندارىنىڭ قولا جۇلدەگەرى اتاندى.
جۇباتۋ اينالىمىندا ابدۋللا دابىل دا (94 كەلىگە دەيىنگى سالماق دارەجەسى) سىنعا ءتۇستى، ءبىراق ول مەدال ءۇشىن بەلدەسۋگە جەتە المادى. وسى سالماقتا قازاقستاننىڭ تاعى ءبىر وكىلى ماكسات تولەندى 1/8 فينال كەزەڭىندە جارىستان شىعىپ قالدى. گالينا دۋۆانوۆا (52 كەلىگە دەيىن) العاشقى بەلدەسۋىندە-اق ديسكۆاليفيكاسيا الدى.
وسىلايشا، قازاقستاننىڭ دجيۋ-دجيتسۋ قۇراماسىنىڭ قورجىنىندا ازيادا-2026-نىڭ ءۇش مەدالى بار. ءبىر كۇن بۇرىن نۇرجان باتىربەكوۆ (69 كەلىگە دەيىن) كۇمىس، ال جىبەك كۇلۇمبەتوۆا (48 كەلىگە دەيىن) قولا جۇلدە جەڭىپ العان بولاتىن.