اقش-تىڭ يۋدجين قالاسىندا (ورەگون شتاتى) ءوتىپ جاتقان جەڭىل اتلەتيكادان جاستار اراسىنداعى الەم چەمپيوناتىنىڭ (U20) ءۇشىنشى كۇنى قازاقستاندىق سپورتشىلار كەدەرگىلى سپرينتتە جارتىلاي فينالعا شىعا المادى، دەپ حابارلايدى infohub.kz.
شىمكەنتتىك 19 جاستاعى بوگدان گونچاروۆ قازاقستاندىقتار اراسىندا العاش رەت الەم چەمپيوناتىندا 110 مەترگە كەدەرگىمەن جۇگىرۋدە 14 سەكۋندتان جىلدام ناتيجە كورسەتىپ، 13،99 سەكۋندقا جەتتى. الايدا بۇل كەلەسى كەزەڭگە وتۋگە جەتكىلىكسىز بولدى: ول ءوز جۇگىرىسىندە التىنشى بولىپ مارەگە جەتىپ، قاجەتتى كورسەتكىشتەن 0،33 سەكۋندقا قالىپ قويدى.
قىزدارعا دا 100 مەترگە كەدەرگىمەن جۇگىرۋدە ساتتىلىك بۇيىرمادى. قاراعاندىلىق 18 جاستاعى الينا گولوۆينا قاشىقتىقتى 14،10 سەكۋندتا اياقتاسا، ونىڭ 19 جاستاعى كوماندالاسى، سولتۇستىك قازاقستان وبلىسىنان كەلگەن انتونينا چەرنىشوۆا كەدەرگىدەن ءوتۋ كەزىندە قۇلاپ، 17،98 سەكۋند ناتيجەمەن مارەگە جەتتى. ەكى سپورتشىنىڭ دا ۇزدىك كورسەتكىشتەرى — تيىسىنشە 13،93 جانە 13،78 — ەكىنشى اينالىمعا وتۋگە مۇمكىندىك بەرمەس ەدى، ويتكەنى ىرىكتەۋ ءنورماتيۆى 13،68 بولدى.
بۇعان دەيىن الەمدىك جاستار فورۋمىندا ىرىكتەۋدەن كيريلل ساۆچەنكو (400 مەترگە كەدەرگىمەن)، سوفيا كيدەنكو (400 مەتر) جانە گلەب گلاديلوۆ (ءۇش قارعىپ سەكىرۋ) دە وتە الماعان بولاتىن.
چەمپيوناتتىڭ ءبىرىنشى كۇنىندە سىرىقپەن سەكىرۋشى اننا چەركاشينا قازاقستان ءۇشىن رەكوردتىق 4،10 مەتر بيىكتىكتى باعىندىرىپ، فينالعا شىقتى.
ءاچم-2026-دا قازاقستان قۇراماسى قاتىسۋ ءنورماتيۆىن ورىنداعان التى ەر جانە بەس ايەل سپورتشىمەن ۇسىنىلعان. بۇل — 2008 جىلى پولشانىڭ بىدگوشش قالاسىندا وتكەن جاستار اراسىنداعى الەم چەمپيوناتىنان كەيىنگى ەڭ كوپ قۇرام (وندا 12 سپورتشى بولعان). ەكى جىل بۇرىن پەرۋ استاناسى ليمادا بەس سپورتشىمىز بولسا، 2022 جىلى كولۋمبيانىڭ كالي قالاسىندا وتكەن الەم چەمپيوناتىندا تورتەۋىمىز بولدى.
قازاقستان جەڭىل اتلەتيكادان جاستار اراسىنداعى الەم چەمپيوناتتارىندا 1994 جىلدان بەرى جەكە كوماندا بولىپ ونەر كورسەتەدى. سودان بەرى سپورتشىلارىمىز بىردە-بىرىن جىبەرىپ الماي، 16 اچم-گە قاتىستى، الايدا ءالى كۇنگە دەيىن تۇعىرعا كوتەرىلگەن جوق.