قازاقستاندىق كاسىپكەر، Cyber Temple گەيمدەۆ-ستۋدياسىنىڭ نەگىزىن قالاۋشى الەكسەي نازاروۆ ءوزىنىڭ ويىنىن جاساۋعا 5 ميلليون دوللار سالدى. بۇل جوبا ەڭ كۇتىلەتىن ويىنداردىڭ قاتارىنا ەندى، دەپ حابارلايدى infohub.kz سايتى.
نازاروۆ Kursiv Talks پودكاستىنىڭ جاڭا شىعارىلىمىنا قوناق بولدى. ول مانسابىن فينتەح سالاسىندا باستاعان. الايدا جوباسىن ءساتتى ساتىپ، اقشانى ازداپ دەمالعان سوڭ ستۋديا قۇرۋعا جانە ونىڭ العاشقى ءىرى ويىنى — city builder جانرىنداعى Dark Switch-كە جۇمسادى.
پودكاست بارىسىندا كاسىپكەر ويىن وندىرىسىندە قانداي قيىندىقتار مەن تاۋەكەلدەر بار ەكەنىن ايتتى: كوماندا ىسكە قوسۋ كەزىندە باعدارلامالىق قاتەلەردى قالاي ۇستادى، ويىن ىشىندەگى ەكونوميكانى، ويىننىڭ الەمىن جانە ديزاين-كودىن قالاي ازىرلەدى.
سونىمەن قاتار نازاروۆ قاۋىمداستىق پىكىرىنە قۇلاق اسۋ نەگە ماڭىزدى ەكەنىن، الەمنىڭ تۇكپىر-تۇكپىرىندەگى ويىن ازىرلەۋشىلەر ءبىر-بىرىن قالاي قولدايتىنىن جانە Silent Hill اتتى كۋلتتىك ويىندار سەرياسىنىڭ ارقاسىندا الەمگە تانىلعان جاپون كومپوزيتورى ءارى دىبىس رەجيسسەرى اكيرا ياماوكانى جوباعا قالاي تارتقانىن ەگجەي-تەگجەيلى ءتۇسىندىردى.
تالقىلاۋدىڭ جەكە بلوگى اقشاعا ارنالدى. ويىن ازىرلەۋ قانشا تۇرادى؟ سالعان قاراجات قانشالىقتى جىلدام وتەلەدى؟ جانە Dark Switch نەگە «ۇزاق مەرزىمدى ويىن»؟
وسى سۇراقتاردىڭ بارلىعىنا نازاروۆ Kursiv Talks پودكاستىندا جاۋاپ بەردى. ونىڭ تولىق نۇسقاسىن Kursiv Media-نىڭ YouTube-ارناسىنان كورۋگە بولادى.