الەۋمەتتىك جەلىلەردە قازاقستاندىقتار كوروناۆيرۋسقا ۇقساس بەلگىلەر – تاماق اۋرۋى، جوتەل، ءيىس پەن ءدام سەزۋ قابىلەتىنىڭ جوعالۋى تۋرالى ءجيى حابارلاي باستادى. الايدا دارىگەرلەر وزدىگىنەن دياگنوز قويۋعا بولمايتىنىن ەسكەرتەدى، دەپ حابارلايدى infohub.kz.
دەنساۋلىق ساقتاۋ مينيسترلىگىنىڭ مالىمەتىنشە، ءقازىر ەلىمىزدە بىرنەشە رەسپيراتورلىق ۆيرۋس تارالۋدا، ءبىراق سىرقاتتانۋشىلىقتىڭ ءوسۋى بايقالمايدى. ماماندار اعىمداعى جاعدايدى ماۋسىمدىق دەپ سيپاتتايدى.
«قازىرگى ۋاقىتتا حالىق اراسىندا ۆيرۋستىق ينفەكسيالاردىڭ ءوسۋى جوق. ءبىز فوندىق نەمەسە ماۋسىمدىق سىرقاتتانۋشىلىقتى بايقاپ وتىرمىز، ال ءبىزدىڭ زەرتحانالار انىقتاعان ۆيرۋستاردىڭ ىشىندە ەرەكشە ۆيرۋستار جوق»، – دەدى دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ ۇلتتىق ورتالىعى فيليالىنىڭ ديرەكتورى ايناگۇل قۋاتباەۆا.
زەرتحانالىق زەرتتەۋلەر ناۋقاستار اراسىندا رينوۆيرۋس، ادەنوۆيرۋس، پاراگريپپ جانە ماۋسىمدىق كوروناۆيرۋستار كەزدەسەتىنىن كورسەتەدى. سونداي-اق COVID-19 جاعدايلارى انىقتالۋدا، الايدا جاڭا ءقاۋىپتى شتاممنىڭ پايدا بولۋ بەلگىلەرى تىركەلگەن جوق.
ماماندار ءتىپتى قاراپايىم جرۆي ءبىر جاسقا دەيىنگى بالالاردا، جۇكتى ايەلدەردە، ەگدە جاستاعى ادامداردا جانە سوزىلمالى اۋرۋلارى بار ناۋقاستاردا اۋىر ءوتۋى مۇمكىن ەكەنىن ەسكە سالادى. بەلگىلەر پايدا بولعان كەزدە وزدىگىنەن دياگنوز قويۋدىڭ قاجەتى جوق، دارىگەرگە جۇگىنگەن ءجون.