سوڭعى كەزدەرى قازاقستاندىقتار كوروناۆيرۋس ينفەكسياسىن ەسكە تۇسىرەتىن سيمپتومدارمەن ءجيى شاعىمدانا باستادى. ەل تۇرعىندارى الەۋمەتتىك جەلىلەردە تاماق اۋرۋى، جوتەل، سونداي-اق ءدام مەن ءيىستىڭ جوعالۋى تۋرالى ايتىپ جاتىر. الايدا دەنساۋلىق ساقتاۋ مينيسترلىگى ۇرەيلەنبەۋگە جانە ءوز بەتىنشە دياگنوز قويۋعا بولمايتىنىن ەسكەرتەدى، دەپ حابارلايدى infohub.kz سايتى.
تەلەارنانىڭ مالىمەتىنشە، قازىرگى ۋاقىتتا قازاقستاندا رينوۆيرۋس، ادەنوۆيرۋس، پاراگريپپ جانە COVID-19 قوسا العاندا، ماۋسىمدىق كوروناۆيرۋستار تارالۋدا. دارىگەرلەر جاڭا ءقاۋىپتى شتاممنىڭ پايدا بولۋ بەلگىلەرى ازىرگە تىركەلمەگەنىن ايتادى. سونىمەن قاتار ماماندار ءبىر جاسقا دەيىنگى بالالاردا، جۇكتى ايەلدەردە، ەگدە جاستاعى ادامداردا جانە سوزىلمالى اۋرۋلارى بار ناۋقاستاردا قاراپايىم جرۆي دا اۋىر تۇردە ءوتۋى مۇمكىن ەكەنىن ەسكە سالادى.
«قازىرگى ۋاقىتتا حالىق اراسىندا ۆيرۋستىق ينفەكسيالاردىڭ ءوسۋى جوق. ءبىز فوندىق نەمەسە ماۋسىمدىق اعىمداعى سىرقاتتانۋشىلىقتى بايقاپ وتىرمىز، ال زەرتحانالارىمىز انىقتاعان ۆيرۋستاردىڭ ىشىندە ەرەكشە ۆيرۋستار جوق»، — دەپ ءتۇسىندىردى دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ ۇلتتىق ورتالىعى فيليالىنىڭ ديرەكتورى ايناگۇل قۋاتباەۆا.