الەۋمەتتىك جەلىلەردە قازاقستان ازاماتتارىنىڭ رەسەي اۋماعىنداعى سوعىس ايماعىنا الداۋمەن جىبەرىلگەنىن ايتقان بەينەۇندەۋى تارالىپ جاتىر. سىرتقى ىستەر مينيسترلىگى بۇل اقپاراتقا قاتىستى دەرەۋ ارەكەت ەتتى، دەپ حابارلايدى infohub.kz سايتى.
بۇعان دەيىن باق-تا ءسىم-نىڭ وتانداستارىمىزدىڭ ەلگە ورالۋعا كومەكتەسۋ تۋرالى وتىنىشتەرىنە تۇسىنىكتەمە بەرگەنى حابارلانعان. كتك تەلەارناسىنىڭ جۋرناليستەرى ءمان-جايدى انىقتاپ، ءوتىنىش بىلدىرۋشىلەردىڭ تۋىستارىمەن سۇحباتتاستى.
ايتا كەتەيىك، بىرنەشە كۇن بۇرىن جەلىدە قازاقستاندىقتاردىڭ قاتىسۋىمەن تۇسىرىلگەن بەينەجازبا پايدا بولدى. جاس جىگىتتەر وزدەرىن الداۋمەن سوعىس ايماعىنا جىبەرگەنىن ايتادى. شىمكەنت تۇرعىنى كۇزەتشى بولىپ جۇمىس ىستەۋگە بارعانىن، ءبىراق ءتىلدى ناشار بىلگەندىكتەن اسكەريلەرمەن كەلىسىمشارتقا وتىرعانىن، ونىڭ ءمانىن تۇسىنبەگەنىن جەتكىزدى.
«مەن بۇل جەرگە الدانىپ كەلدىم، جۇمىس تۋرالى دوسىم ايتتى، ۇشەۋمىز وسىندا كەلدىك. سەنىپ، قۇجاتتارعا قول قويدىق. سوسىن بىزگە نە سوعىسقا باراسىڭدار، نە تۇرمەگە جابىلاسىڭدار دەدى. ءبىز قورىقتىق، بارار جەرىمىز قالمادى، وسىلايشا وسىندا كەلدىك. ەندى ۇيگە قايتۋدىڭ جولىن ىزدەپ ءجۇرمىز»، — دەدى اينابەك كەلديبەك.
اناسىنىڭ ايتۋىنشا، 20 جاستاعى اينابەك كەلديبەك اسكەردەن جاقىندا ورالىپ، جۇمىس ىزدەگەن. رەسەيگە ۆاحتاعا بارۋعا جاقسى جالاقىسىنا بايلانىستى كەلىسكەن. ونىڭ سوزىنشە، وعان قاراپايىم كۇزەتشى بولاتىنىن ۋادە ەتكەن. جىگىتتىڭ اناسى ۇلىن ەلگە قايتارۋدى سۇرايدى. ۇلى وعان ءوزىن قورقىتىپ، سوعىسۋدان باس تارتسا، تۇرمەگە جابامىز دەپ قورقىتقانىن ايتقان. ءقازىر ايەل ۇلىنا كومەكتەسۋدىڭ جولدارىن ىزدەستىرۋدە.
« ۇلىمدى قورقىتا باستادى. ەگەر بارماسا، 15 جىلعا وتىرعىزامىز دەدى. ول قورىقتى دا، ولاردىڭ سوڭىنان ەردى. ءقازىر كۇندە دەرلىك قوڭىراۋ شالىپ، جىلاپ، قۇتقارۋىن سۇرايدى»، — دەيدى پەريزات ەلەۋسيزوۆا.
ەسكە سالايىق، ءسىم بۇل وتىنىشكە قاتىستى ارەكەت ەتىپ، سوعىس ايماعىندا بولعان قازاقستاندىقتاردىڭ تۋىستارىنىڭ وتىنىشتەرىن قابىلداۋ ءۇشىن مينيسترلىكتە ارنايى جەدەل جەلى جۇمىس ىستەيتىنىن حابارلادى.
سوعىس ايماعىندا بولعان ق ر ازاماتتارىنا قاتىستى جەدەل جەلىلەر:
ق ر ءسىم كونسۋلدىق قىزمەت دەپارتامەنتى: +7 (7172) 72-05-00؛ Dks_ast@mfa.kz
قازاقستان رەسپۋبليكاسىنىڭ رەسەي فەدەراسياسىنداعى ەلشىلىگى: +7 (925) 897-71-14؛ consul.moscow@mfa.kz
ق ر استراحانداعى باس كونسۋلدىعى: +7 (906) 177-70-88؛ astrakhan@mfa.kz
ق ر قازان قالاسىنداعى باس كونسۋلدىعى: +7 (905) 020-30-42؛ +7 (843) 202-05-92؛ kazan@mfa.kz
ق ر ومبىداعى باس كونسۋلدىعى: +7 (968) 100-73-06؛ omsk@mfa.kz
ق ر ەكاتەرينبۋرگتەگى باس كونسۋلدىعى: +7 (939) 919-76-33؛ ekaterinburg@mfa.kz
ق ر سانكت-پەتەربۋرگتەگى باس كونسۋلدىعى: +7 (981) 916-25-12؛ +7 (921) 188-90-60؛ s-petersburg@mfa.kz