«قازاۆتوجول» ۇلتتىق كومپانياسى جۇرگىزۋشىلەرگە ەرەكشە وتىنىشپەن شىقتى — تابيعي قاجەتتىلىكتەرىن وتەۋ ءۇشىن تەك سانيتارلىق توراپتاردى پايدالانۋدى سۇرايدى، دەپ حابارلايدى infohub.kz سايتى.
كومپانيانىڭ ءباسپاسوز قىزمەتى رەسپۋبليكالىق اۆتوموبيل جولدارىنىڭ بويىندا جىلىتىلاتىن جانە سۋىق دارەتحانالار جۇمىس ىستەيتىنىن ەسكە سالدى. ولار ءاربىر ساياحاتشىنىڭ تازا ءارى ىڭعايلى دارەتحانانى پايدالانا الۋى ءۇشىن ارنالعان. الايدا كەيبىر نىسانداردا ادامدار كەزەك كۇتكىسى كەلمەي، دارەتحانا عيماراتىنىڭ ارتىنا بارىپ جاتقان جاعدايلار تىركەلەدى. بۇل اۋماقتىڭ لاستانۋىنا، جاعىمسىز ءيىستىڭ، قوقىستىڭ پايدا بولۋىنا جانە انتيسانيتارياعا اكەلەدى.
«قازاۆتوجول» جۇرگىزۋشىلەردى اينالاسىنداعىلارعا قۇرمەت كورسەتۋگە جانە مادەنيەت پەن گيگيەنانىڭ قاراپايىم ەرەجەلەرىن ساقتاۋعا شاقىردى. اتاپ ايتقاندا، ءسال كۇتۋگە تۋرا كەلسە دە، سانيتارلىق توراپتاردى پايدالانۋ، اۋماقتا قوقىس پەن دارەتحانا قاعازىن قالدىرماۋ، ورتاق پايدالانۋعا ارنالعان م ۇلىكتى قورعاۋ جانە كۇن سايىن تازالىقتى ساقتايتىن قىزمەتكەرلەردىڭ ەڭبەگىن قۇرمەتتەۋ ۇسىنىلادى.