ماسساچۋسەتس شتاتىنداعى Cape Wildlife Center جابايى تابيعاتقا كومەك كورسەتۋ ورتالىعى سيرەك كەزدەسەتىن دامۋ انومالياسى – بيسەفاليامەن تۋعان تۇيىرشىكتى تاسباقانىڭ بالاسىن زەرتتەپ جاتىر، دەپ حابارلايدى infohub.kz سايتى.
سالماعى نەبارى 5،2 گرامم بولاتىن كىشكەنتاي باۋىرىمەن جورعالاۋشىنى ەرىكتىلەر ماسساچۋسەتس شتاتىنداعى كەيپ-كود تۇبەگىندەگى قورعالاتىن ۇيا سالۋ اۋماعىنان تاپقان. تەكسەرۋ كەزىندە تاسباقانىڭ ەكى باسى دا تولىققاندى جۇمىس ىستەيتىنى انىقتالدى: ولار قورشاعان ورتاعا ارەكەت ەتىپ، تابەت تانىتىپ وتىر.
جابايى تابيعات ورتالىعىنىڭ ماماندارى رەنتگەنوگرافيا ارقىلى جانۋاردىڭ ەكى تاۋەلسىز تىنىس الۋ جۇيەسى مەن ءبىر اسقازان-ىشەك جولىنا اپاراتىن ەكى وڭەشى بار ەكەنىن انىقتادى.
ءقازىر ۆەتەرينارلار ەرەكشە بالانىڭ ءوسۋىن، مىنەز-قۇلقىن جانە قوزعالىس كوورديناسياسىن باقىلاپ وتىر. بيسەفاليا باۋىرىمەن جورعالاۋشىلاردا وتە سيرەك كەزدەسەدى، الايدا سوڭعى جىلدارى بۇل كەيپ-كودتاعى العاشقى جاعداي ەمەس. تۇيىرشىكتى تاسباقالار ماسساچۋسەتستە وسال ءتۇر رەتىندە قورعاۋعا الىنعان، سوندىقتان بۇل تابىلىم زەرتتەۋشىلەر ءۇشىن ەرەكشە قۇندى.
بولاشاقتا ۆەتەرينارلار تاسباقانىڭ قان اينالىم جۇيەسىنىڭ قۇرىلىسىن زەرتتەۋ ءۇشىن توموگرافيالىق تەكسەرۋ جۇرگىزۋدى جوسپارلاپ وتىر. ەگەر جانۋار اسقىنۋسىز دامي الىپ، ەكى باسىنىڭ ارەكەتىن ۇيلەستىرۋدى ۇيرەنسە، ونى تابيعاتقا جىبەرەدى، ايتپەسە باۋىرىمەن جورعالاۋشىنى پيتومنيكتە تۇراقتى باقىلاۋدا قالدىرادى.