ءبىر جۇمىس باستاۋ نەمەسە ءبىر كۋرسقا قاتىسۋ سەكىلدى جاڭا نارسە جاساماق بولعان كەزدە، «بۇل ءىسىڭنىڭ كەلەشەگى جوق»، «مۇنىڭنان تۇك شىقپايدى»، «ىستەيتىن باسقا تىرلىگىڭ جوق پا؟» دەيتىن ادامدار تابىلادى. وي-پىكىرىڭىزدى، جوسپارىڭىزدى بار-ىنتاڭىزبەن ايتقانىڭىزدا باسىن شايقاپ بولىمسىز جاۋاپ ايتىپ، بىر-ەكى سوزبەن ءۇمىتىڭدى ءسوندىرىپ، ىنتا-جىگەرىڭدى سۋ سەپكەندەي باساتىندار بار. «جاقسى ءبىر بيزنەس جوبا ازىرلەدىم» دەگەندە «ءوي، بۇل ءىستىڭ الپاۋىتتارى ساعان نان جەگىزبەس»، «دۇكەن اشسام، ساۋدامەن اينالىسسام دەپ ەدىم» – «ءقازىر داعدارىس، بىر-ەكى ايدا تاقىرعا وتىراسىڭ»، «مەملەكەتتىك قىزمەتكە بارامىن» – «جوعارىدا كوكەڭ بولماسا وسپەيسىڭ»... دەگەن سياقتى كەرىتارتپا پىكىرلەر ادامداردا دايىن تۇرادى.
ومىردە مۇنداي كەرى تارپا اڭگىمەلەر بولاتىنى قالىپتى نارسە. ماڭىزدى بولعانى بارلىق قاۋىپ-قاتەردى ەسكەرە وتىرىپ، سەنىمدى، باتىل ارەكەت ەتۋ جانە بولىمسىز اڭگىمەلەردى ەلەمەۋ.
تومەندە تاريحتاعى ەلەنبەي قالعان كەرىتارتپا پىكىرلەردەن بىرنەشە مىسال:
● «جىلقى ءاردايىم قولدانىستا بولادى. اۆتوكولىك جاي وتكىنشى مودا.» گەنري فوردتىڭ كرەديت سۇراپ بارعانداعى بانك ديرەكتورىنىڭ جاۋابى. (1903 ج.)
● «وتە ادەمى ونەرتابىسقا ۇقسايدى، ءبىراق مۇنى كىم، نە ءۇشىن قولدانۋى مۇمكىن؟» راتەرفورد ءبورچارد حەيس – اقش پرەزيدەنتى 1876 جىلى العاش رەت تەلەفوندى كورگەن كەزىندەگى ايتقان پىكىرى.
● «راديونىڭ كەلەشەگى جوق» لورد كەلۆين شوتلانديالىق فيزيك عالىم.
● «ارتىستەردىڭ داۋسىن كىم ەستىگىسى كەلەدى دەيسىڭ؟» فيلم يندۋسترياسىنىڭ جەتەكشىسى گارري ۋورنەردىڭ جاڭا تابىلعان دىبىستى فيلم تۋراسىنداعى پىكىرى. (1927 ج.)
● «ينتەرنەت 1996 جىلى تولىعىمەن قۇلدىرايدى.» ينتەرنەتتى اشقانداردىڭ ءبىرى روبەرت مەتكالف. (1900 ج.)
● «تەلەديدار 6 اي ىشىندە نارىقتان جويىلادى. ادامدار كۇندە كەشكىسىن مۇنداي قوراپقا قاراپ وتىرۋدى قالامايدى.» دەرريل زانۋك “Twentieth Century Fox” نەگزىن قالاۋشىسى. 1944 ج.