كەشىرە ءبىلۋ

اتىراۋ وبلىسى، اتىراۋ قالاسى،
№4 يۋ. ا. گاگارين اتىنداعى ورتا مەكتەپ پسيحولوگى
نۇرعاليەۆا رىسگۇل مۇحامبەت قىزى

تاقىرىبى: «كەشىرە ءبىلۋ»
ماقساتى:
وقۋشىلاردىڭ وزدەرىنە ءتۇرلى تاپسىرمالار ورىنداتۋ ارقىلى جاڭا تاقىرىپتى اشۋ، وزدىك تالداۋ، باعالاۋ ارەكەتتەرىن ۇيىمداستىرۋ. ادامشىلىق قۇندىلىقتارىن، رۋحاني بايلىعىن قالىپتاستىرۋ. جاعىمدى سەزىمدى قالىپتاستىرۋ.
پسيحولوگيالىق ءادىس - تاسىلدەر:
باقىلاۋ، سۇراق - جاۋاپ، انكەتا، تەست، پسيحوترەنينگ ەلەمەنتتەرى، سۋرەتتىك تەست.

كورنەكىلىكتەر:
اۋديو - باسپا - قۇرالدارى، تاراتپا ماتەريالدار، كەستە، تەست سۇراقتارى، سۋرەتتىك تەست تاپسىرمالارى.

ساباق بارىسى.
ترەنينگ ەرەجەسى:
تىڭداي ءبىلۋ
بەلسەندى قاتىسۋ
ءسوزدى بولمەۋ
ك ۇلىمسىرەۋ
سىن ايتپاۋ
ۋاقىتقا باعىنۋ

1. ۇيىمداستىرۋ. ترەنينگ: «دوستىق تورى»
2. ساباقتىڭ ەپيگرافى: «ادام بولىپ تۋعان سوڭ، ادام بولىپ وتكەن ءجون» ماعىناسىن تانىستىرۋ.
3. «ميعا شابۋىل»
(تاقتادا حوسە مارتيدىڭ «ادام بولا ءبىلۋ - ەڭ قيىن ماماندىق»، رۋساكوۆتى «ءبىز رۋحاني تازارماي تۇرىپ ەشقانداي يگىلىككە قول جەتكىزە المايمىز» جانە حالىق ءسوزى: «رۋحاني بايلىق – مەيىرىمدىلىكتىڭ بيىك شىڭى» دەگەن ناقىل سوزدەردىڭ ءبىر - بىرىمەن قانداي بايلانىسى بار، قاعاز بەتىندە 4 - 5 سويلەم جاز. (2 - مينۋت).

تاپسىرمالاردى ورىنداۋدا بالالاردىڭ جاۋاپ بەرۋىنە جەڭىلدىك تۋدىرۋ ماقساتىندا مىناداي سۇراقتار قويىلادى:
1. ادام ماماندىعى قانداي ماماندىق، قالاي تۇسىنەسىڭ؟
2. رۋحاني بايلىق دەگەن نە؟ قانداي قاسيەتتەردى جاتقىزاسىڭ؟
3. رۋحاني بايلىققا بايلانىستى قانداي ماقال - ماتەلدەر، ناقىل سوزدەر بىلەسىڭ؟
(4 - 5 وقۋشىنىڭ ويىمەن بولىسەدى).

ءتۇيىن: ادام ماماندىعى - ادامگەرشىلىگى مول، رۋحاني تازا ادام. رۋحاني بايلىققا - وتىرىك ايتپاۋ، ادام ەڭبەگىن جەمەۋ، بىرەۋگە جاقسىلىق جاساۋ، كەشىرە ءبىلۋ، مەيىرىمدى بولۋ ت. ب. جاتادى.
رۋحاني تازا ەمەس ادام - وتىرىك ايتاتىن، كوبىنە بىرەۋلەرگە رەنجىپ، جاقتىرماي جۇرەتىن، تەك ءوزىن عانا دۇرىس دەپ سانايتىن، ءوزىن باسقانىڭ ورنىنا قويا المايتىن، قۋ، وتىرىك ايتاتىن ادام. ونداي ادامداردىڭ ومىردە بىردە بولماسا، بىردە جولى بولمايتىنى انىق.
مەيىرىمدىلىك - كەشىرە ءبىلۋ، بىرەۋگە جاقسىلىق جاساۋ. بىرەۋگە جاقسىلىق جاساي ءبىلۋ - ول جاقسى كورۋمەن بىردەي. ونداي ادامدار ءبىر - بىرىنە جاماندىق جاسامايدى، ءبىر - ءبىرىن كەشىرە بىلەدى. «بىرەۋگە ور قازبا ءوزىڭ تۇسەسىڭ»، «وتىرىكتىڭ سوڭى ءبىر تۇتام»، «سەن بىرەۋدى الداساڭ، ەرتەڭ سەنى بىرەۋ الدايدى»، ت. ب.

4. جاڭا تاقىرىپ:
مەيىرىمدىلىكتىڭ ەڭ بيىك شىڭى، نەگىزى - كەشىرە ءبىلۋ. ولاي بولسا، بۇگىنگى جاڭا تاقىرىبىمىز «كەشىرە ءبىلۋ».
5. اۋديو باسپا.
وسى سەزىمدى سەزىنۋ ءۇشىن، ءتۇسىنۋ ءۇشىن، وسى سەزىمگە ەنۋ ءۇشىن اۋديو باسپادان ءان ىرعاعىمەن اۋەندى تىڭدايىق. ءوزىمىز ىڭعايلانىپ وتىرىپ، تەك ءان اۋەنىمەن، اۋەندەگى سوزدەردى مۇقيات تىڭداي وتىرىپ، سول سەزىمگە تۇسۋگە تىرىسامىز. (2 - 3 مينۋت).

6. كەرى بايلانىس.
وقۋشىلارعا كەلەسى سۇراقتى قويا وتىرىپ، سەزىمدەرى بويىنشا وي بولىسەدى.
1. قانداي سەزىمدە بولاسىڭ؟ كوڭىل قالۋ سەزىمىندە بولدىڭ با؟
2. ءوزىڭدى رەنجىتكەن، كوڭىلىڭدى قالدىرعان ادامداردى ەسىڭە تۇسىرە الدىڭ با؟
3. وعان دەگەن كوزقاراسىڭ قالاي، كەشىرە الدىڭ با؟

7. سۋرەتتىك تەست (رەفلەكسيا). «سەزىمىڭدى سۋرەتتە».

تۇستىك پاليترا ارقىلى ءوز سەزىمىمىزدى اق قاعاز بەتىنە تۇسىرەمىز. وزدەرىڭىزگە تانىس ادامنىڭ سەزىمىن تۇستەر ارقىلى بەينەلەۋگە بولادى. ءوز سەزىمىمىزدى ءار ءتۇرلى تۇستەر ارقىلى قولدارىڭىزعا تاراتىلعان بالا بەينەسىندەگى سۋرەتكە تۇسىرەسىزدەر. تاقتادا ادامدا كەزدەسەتىن سەزىمدەردى بەينەلەيتىن تۇستەر كەستەسى ءىلۋلى تۇرادى. سول تۇستەر ارقىلى ءسىز قانداي سەزىمدەسىز، سول سەزىمىڭىزدىڭ قانداي دەڭگەيدە ەكەنىن بالانىڭ دەنە مۇشەلەرىندەگى بولىكتەردى بوياۋ ارقىلى تۇسىرەسىز.

8. تاراتپا ماتەريال.
ەندىگى بۇگىنگى جاڭا تاقىرىبىمىزدىڭ، ياعني «كەشىرە ءبىلۋ» قاسيەتىنىڭ عىلىمي پسيحولوگيالىق انىقتاماسىن تاراتپا تاپسىرمالاردى ورىنداۋ ارقىلى اشامىز.
جاڭا تاقىرىپتىڭ عىلىمي انىقتاماسى:
كەشىرە ءبىلۋ - رۋحاني بايلىقتىڭ قۇندىسى، جاعىمدى قاسيەت، مەيىرىمدىلىكتىڭ بيىك شىڭى.
كەشىرە ءبىلۋ - جاقسى كورە ءبىلۋ. ل. ن. تولستوي «جاقسى كورۋ - بۇل بىرەۋگە جاقسىلىق جاساۋ» دەپ ايتىپ كەتكەن.

9. پسيحولوگ كەڭەسى.
كەستەدەگى كەڭەستەردى ماعىناسىن اشا وتىرىپ، جازدىرۋ.

10 «تۇمارشا» ويىن.
ساباقتى ءان ىرعاعىمەن «تۇمارشا» ويىنىمەن اياقتالادى.
ويىننىڭ بارىسى: «ادامداردىڭ ءبىر - بىرىنە جاقسى تىلەك ايتىپ، جاقسى ءسوز، نىشان ءبىلدىرۋ، ادامعا رۋحاني قازىنا بەرەدى. وسى ماقساتتا حالىق ماقالى «جاقسى ءسوز – جارىم ىرىس» تەگىن ايتىلماعان. جاقسىلىق تىلەۋدە، كەشىرە ءبىلۋ دە وڭاي ەمەس، وعان داعدىلانۋ كەرەك. ولاي بولسا ءبىر - بىرىمىزگە جاقسى تىلەك، جاعىمدى سەزىم سىيلايىق.
وقۋشىلار، كەلگەن قوناقتار!
بارلىقتارىڭىزعا مەن ءبىر - ءبىر تۇمارشا بەرەمىن، وسى تۇمارشادان ءبىر ءجىپتى الىپ، باسقالارعا جاقسى تىلەك ايتا وتىرىپ، سول ادامنىڭ موينىنداعى تۇمارشاعا بايلايسىز. تەك كوزىنە قاراپ وتىرىپ ايتاسىز.