شوتلانديالىق 78 جاستاعى كەت بوۋي الەمدەگى تانىمال Fortnite ونلاين-ويىنىنىڭ ەڭ قارت ستريمەرى رەتىندە رەسمي تۇردە مويىندالدى — بۇل تۋرالى The Straits Times جازىپ، infohub.kz سايتى حابارلايدى.
جەلىدە زەينەتكەر «grumpygran1948» لاقاپ اتىمەن تانىمال. ول تۇراقتى تۇردە تىكەلەي ەفيرگە شىعىپ، Fortnite ويىن سەسسيالارىن تاراتادى.
كەت ءبوۋيدىڭ كومپيۋتەرلىك ويىندارعا قىزىعۋشىلىعى توعىز جىل بۇرىن نەمەرەسىنىڭ ارقاسىندا باستالعان. نەمەرەسى اجەسىنىڭ ترانسلياسيالارىن كىم قارار دەپ كۇماندانعاندا، ايەل كەرىسىنشە دالەلدەۋدى ۇيعاردى.
بۇگىندە 78 جاستاعى ستريمەردىڭ ارناسىنا 24 مىڭنان استام ادام جازىلعان. كەت سۇيىكتى ويىنىنىڭ باسىندا كۇن سايىن بىرنەشە ساعات وتكىزەتىنىن مويىندايدى. وعان جاستار قاۋىمداستىعىمەن ارالاسۋ جانە كۇردەلى ويىن سىناقتارىن قابىلداۋ قاتتى ۇنايدى، ال بۇل پروسەسس رۋح سەرگەكتىگىن ساقتاۋعا كومەكتەسەدى.
كەت ءبوۋيدىڭ تاريحى ۆيدەوويىندارعا ارنالعان گيننەسس رەكوردتار كىتابىنىڭ جاڭا سانىنا ەنەدى. رەكوردشى بارشانى جاسقا ءمان بەرمەي، جاڭا حوببيلەردى باتىل بايقاپ كورۋگە شاقىرادى، ويتكەنى كومپيۋتەرلىك ويىنداردى باستاۋ ەشقاشان كەش ەمەس.