امەريكاندىق ءانشى كەتي پەرري Firework ءانىنىڭ اق ءۇي جاريالاعان اسكەري سوققىلار تۋرالى ۆيدەودا قولدانىلۋىنا رۇقسات بەرمەگەنىن مالىمدەدى، دەپ حابارلايدى infohub.kz.
بۇعان دەيىن اق ءۇيدىڭ TikTok پاراقشاسىندا بولجام بويىنشا يرانداعى نىساندارعا سوققىلار كورسەتىلگەن بەينەجازبا جاريالانعان ەدى. ۆيدەو Firework انىمەن سۇيەمەلدەنىپ، «يران ەسكەرتىلدى» دەگەن جازۋ بولعان.
ءانشى X الەۋمەتتىك جەلىسىندە ءوز ءانىن قولدانۋعا كەلىسىم بەرمەگەنىن جازدى. «مەن Firework ءانىنىڭ @WhiteHouse TikTok اككاۋنتىنداعى اسكەري سوققىلار بەينەجازباسىنىڭ مۋزىكالىق سۇيەمەلى رەتىندە پايدالانىلعانىنا قاتتى تاڭ قالدىم جانە اشۋلانىپ وتىرمىن. ماعان بۇعان رۇقسات بەرىلگەن جوق، مەنەن سۇرالمادى، مەن بۇل قولدانىستى مۇلدەم قولدامايمىن»، — دەپ جازدى پەرري.
ءانشىنىڭ ايتۋىنشا، بۇل ءاندى ول اۋىر ءومىر كەزەڭدەرىن باستان كەشىرەتىن ادامدار ءۇشىن ءۇمىت، ساۋىعۋ جانە ىشكى كۇش سيمۆولى رەتىندە جازعان. «ءوزىن-وزى سىيلاۋ مەن قولداۋ يدەياسىن قيراتۋ مەن زورلىق-زومبىلىقتى سۇيەمەلدەۋ ءۇشىن پايدالانۋ — مەنىڭ ءانىمنىڭ بىلدىرەتىنىنىڭ بارىنە تولىق قايشى. مەنىڭ مۋزىكا ادامداردى بىرىكتىرۋ ءۇشىن جازىلعان، سوعىستى دارىپتەۋ ءۇشىن ەمەس»، — دەپ اتاپ ءوتتى كەتي پەرري.