«كيەتىن جەرى جوق» كەشتەرىنىڭ ترەندى قازاقستانعا دا كەلدى، دەپ حابارلايدى infohub.kz.
مۇنداي شارالار Instagram جانە TikTok جەلىلەرىندەگى يرونيالىق ۆيدەولاردان باستاۋ العان: پايدالانۋشىلار الدىمەن كۇندەلىكتى كيىمدەرىن كورسەتىپ، سودان كەيىن ەرەكشە نەمەسە وتە ءساندى كيىمدەرىن كورسەتەدى. سول كيىمدى «سەرۋەندەتۋ» ءۇشىن ايلار بويى كۇتۋگە تۋرا كەلەتىن ارنايى وقيعا قاجەت.
شامامەن 2024–2025 جىلدارى مۇنداي «ءسان كورسەتىلىمدەرى» وفلاينعا كوشتى. نارىق بەيىمدەلدى: اقش-تا قولدان جاسالعان بۇيىمدار ساتاتىن Etsy پلاتفورماسىندا «Nowhere to wear it party» (كيەتىن جەرى جوق كەش) شاقىرۋلارى پايدا بولدى.
الەۋمەتتىك جەلىلەردە قازاقستاندىقتار وسىنداي كەشتەن ۆيدەو جاريالادى. وندا بوزبالالار مەن بويجەتكەندەر ءۇي ەسىگىن سالتاناتتى تۇردە اشىپ، ۇيلەنۋ كويلەكتەرىمەن، جۇمىس كومبينەزونىمەن، ءتىپتى اسكەري فورمامەن شەرۋ جاسايدى. پىكىرلەردە پايدالانۋشىلار بۇل فورماتتى جوعارى باعالادى.
«ماعان دەرەۋ وسىنداي كەش ۇيىمداستىرۋ كەرەك»، «سىزگە قوسىلۋعا بولا ما؟ مەنىڭ ونداي كيىمدەرىم جەتىپ-ارتىلادى»، «شكافىمدى اشتىم، جارتى شكاف كيىمنىڭ كيەتىن جەرى جوق. مۇمكىن مەن بارلىق ابىلدەۋىلدەرىمدى كيىپ، ورامجاپىراقشا كەلەر ەم»، – دەپ جازدى قازاقستاندىقتار.
بۇعان دەيىن Kursiv LifeStyle زۋمەرلەر مەن ميلليەنيالدار اراسىنداعى تاعى ءبىر ترەند – كۇندەلىكتى ىستەرمەن اينالىساتىن «ەرەسەكتەر» كەشتەرى تۋرالى جازعان بولاتىن.