جاڭا جىل كەشىندە وتەتىن مەرەكە.
جاسىل شىرشا جانىندا بالالار مەن اياز اتا.
شىمىلدىق اشىلادى.
اياز اتا.
ۋا، بالالار، بارلىعىڭ
ءتارتىپتىسىڭ، بىلەمىن.
ورىندالار ءدال بۇگىن،
نە تىلەسەڭ – تىلەگىڭ.
ورىندالار بۇگىنگى
العا قويعان ماقسات تا.
قويايىق ءبىز كۇلۋدى،
ارتىق كەتىپ جاتساق تا.
ءوز ماقساتىن، ارمانىن،
ايتار ەكەن كىم قانە؟
قۇلاعىڭ سال، ال ءبارىڭ،
تىنىش تۇرىپ تىڭدالىق.
1-بالا.
ەرتەڭىم دەپ بىزدەن ەل
كۇتىپ وتىر كوپ ءۇمىت.
ءبىلىم قۋىپ، ىزدەنەر
شاعىمىز عوي سونى ۇعىپ.
2-بالا.
اۋىزدى اشىپ،
قويمايىق
باسقا جۇرتتان سوڭ قاپ ءبىز.
وسى باستان ويلايىق،
قايسىمىز كىم بولماقپىز؟
1-بالا.
ءبىز جاسىرماي ايتايىق،
ءسىز دە ايتىڭىز شىندىقتى.
بولماق ەكەن
بايقايىق
كىم قۇرمەتتى، كىم مىقتى؟
اياز اتا
ۇسىنىسىڭ ورىندى،
ءسوز باستاۋعا ماقۇل كىم؟
قىسىلماي-اق قولىڭدى
كوتەرە بەر باتىلىڭ.
(ءبىر بالا قول كوتەرەدى.)
اياز اتا.
ەر ەكەنسىڭ! جارادىڭ!
ال ايتا عوي، قاراعىم.
2-بالا.
بيزنەسمەن بولىپ مەن،
بايىپ الۋ – تىلەگىم.
جۇرمەيمىن جاي كولىكپەن،
ينوماركا مىنەمىن.
بىرەۋلەردەي،
بايىسام،
زىپ بەرمەيمىن شەتەلگە.
وندىرىسكە اۋىسام،
تۋعان ەلدەن كەتەم بە؟
3-بالا (بيزنەسمەن بالاعا قاراپ).
ءجۇرۋ ءۇشىن شىرەنىپ،
مەن بانكير بوپ الامىن.
ساعان بەرىپ كرەديت،
كۇرەپ اقشا تابامىن.
بابالاردىڭ امبەگە
قاستەرلەتەم سۋرەتىن.
بارشا جۇرتتىڭ
تەڭگەگە
ارتتىرامىن قۇرمەتىن.
4-بالا.
مەن ءبىرىنشى ءنومىرلى
ەلشى بولام. مىنانداي!
(باس بارماعىن شوشايتادى.)
وزگە ەلدەرگە
ەلىمدى
سىيلاتامىن قۇدايداي.
وقىپ ءجۇرمىن سول ءۇشىن
ەكى بىردەي شەت ءتىلىن.
كەڭەيىپ ءوي-ورىسىم،
كەلەدى ۇدەپ ەكپىنىم.
5-بالا.
جەتپەي تاعام سانىنا
تۇرسىن دۇكەن، اسحاناڭ.
سول ءۇشىن مەن
شارۋا
قوجالىعىن باسقارام.
قارىق قىلىپ،
ءبارىڭنىڭ
بەرەكەڭدى ارتتىرام.
وتباسىنان ءار ءۇيدىڭ
ۇزىلمەيدى شاتتىق ءان.
6-بالا.
ءپىر تۇتاتىن اسىلدار
مەن تاريحشى بولامىن.
زامانالار عاسىرلار
قويناۋلارىن شولامىن.
باعالاماي بابانى
دارالاماي دانانى،
سۇيمەي وتان-انانى،
بولامىز با سانالى؟!
كونە زامان كوشىنىڭ
كوپ ىزدەرى – اقتاڭداق.
ءار شۇڭعىلى وسىنىڭ
نيەتىم بار اقتارماق.
7-بالا.
ۇيالاسىڭ بىر-بىرىڭنەن
تەلەۆيزور قويساڭ تەك.
سوندىقتان دا ءجۇرمىن مەن
رەجيسسەر بولسام دەپ.
ۇلىلاردىڭ بەينەسىن
جاساپ شىعام كينودا.
قارا دا تۇر، كورەسىڭ:
شەت قالمايدى ءبىر دانا.
8-بالا.
تىڭداي المان تاڭدانباي
نۇراعاڭنىڭ كوپ ءانىن.
مەن نۇرعيسا اعامداي
كومپوزيتور بولامىن.
نۇراعاڭداي
«التىن جۇلدىز» كەۋدەمە تاعامىن.
9-بالا.
مەن جۇمىسكەر اراداي
بارىمدى ەلگە ارنايمىن.
توقتار، تالعات اعاداي
زەڭگىر كوككە سامعايمىن.
10-بالا.
مەنىڭ دە بار ماقساتىم،
بولسا دا كوپ باسقا ونەر.
بولسام دەيمىن جاقسى اقىن،
جازۋشى نە باسپاگەر.
ايتارلىقتاي ايت دەسە
كىتاپتاردى قاپتاتام.
دۇكەندەردە ايتپەسە
كىتاپ دەگەن جوققا ءتان.
11-بالا.
ابىزداردان باتا العان،
تىلەگەن بيىك سامعاۋىن.
ءدال نۇرسۇلتان اتامنان
اۋماي قالۋ – ارمانىم.
اقتايمىن ەل سەنىمىن،
بەيبىتشىلىك ساقتايمىن.
باقىتى ءۇشىن ەلىمنىڭ
ءبىر ءسات تىنىم تاپپايمىن.
ەمەسپىن مەن جاي بالا،
جيىرما بەس جىل مۇرسات بەر.
ەلباسى ەتىپ سايلا دا،
سودان كەيىن جۇمساپ كور...
12-بالا.
پرەزيدەنت تە، بالالار،
مۇعالىمنەن وقىعان.
ءدارىس الار دانالار،
مەن ۇستاز بوپ وتىرام.
اياز اتا.
سەزىپ وتىر كىم مىقتى –
بالالاردىڭ وزدەرى.
قانداي جاقسى
شىندىقتى
ايتقىزباي-اق سەزگەنى.
جاقسى ازامات بول ءبارىڭ،
مەيىرى مول جاراتقاننىڭ.
ارمان، تىلەك، ويلارىڭ،
ورىندالسىن، قاراقتارىم.