تانىمال سۇلۋلىق پروسەدۋراسى — كىرپىك ۇزارتۋ تەرى كەنەلەرىنىڭ پايدا بولۋىنا جانە قۇرعاق كوز سيندرومىنىڭ دامۋىنا اكەلۋى مۇمكىن. وسىنداي قورىتىندىعا عالىمدار كەلدى، دەپ حابارلايدى infohub.kz سايتى.
زەرتتەۋ ەۋروپالىق كاتاراكتا جانە رەفراكسيالىق حيرۋرگتەر قوعامىنىڭ 44ء-شى كونگرەسىندە ۇسىنىلدى. وندا كوپشىلىك زيانسىز كوسمەتيكالىق ارەكەت دەپ سانايتىن پروسەدۋرانىڭ قاۋىپتەرى اشىلدى.
ساۋالناماعا 16 مەن 28 جاس ارالىعىنداعى 345 ايەل قاتىستى. ۇزارتىلعان كىرپىگى بار رەسپوندەنتتەردىڭ جارتىسىنا جۋىعى جايسىزدىققا، قىزارۋعا، جاس اعۋعا جانە قىشۋعا شاعىمداندى.
25 پاسيەنتتى ميكروسكوپپەن تەكسەرۋ ولاردىڭ 24ء-ىنىڭ كىرپىگىندە Demodex folliculorum كەنەلەرى مەكەندەيتىنىن كورسەتتى. 18 ايەلدە دەمودەكوز بەلگىلەرى، سونىڭ ىشىندە ءىسىنۋ مەن تەرىنىڭ قابىرشاقتانۋى بايقالدى. 10 رەتتەن كوپ ۇزارتۋ جاساعان قاتىسۋشىلاردىڭ 85%-ىندا كوزدى قۇرعاۋدان قورعايتىن مايلى سەكرەت بولەتىن مەيبومي بەزدەرىنىڭ ديسفۋنكسياسى انىقتالدى.
ن. ي. پيروگوۆ اتىنداعى ۆيننيسا ۇلتتىق مەديسينا ۋنيۆەرسيتەتىنىڭ اۆتورلارى پروسەدۋرادان تولىق باس تارتۋعا شاقىرمايدى. ساراپشىلار قاباق گيگيەناسىن ساقتاۋدى، تازارتۋ ءۇشىن ارنايى گيپواللەرگەندى گەلدەردى قولدانۋدى جانە قابىنۋدىڭ العاشقى بەلگىلەرىندە دەر كەزىندە دارىگەرگە قارالۋدى ۇسىنادى.