ايتايىن ءبىر تەنتەكتىڭ اڭگىمەسىن،
دەمەندەر:
«ءسوز عىپ جازعان مۇنىڭ نەسىن؟»
ەسى اۋىس كورە سالىپ، قۋالادى
ءوزىنىڭ ۇستايمىن دەپ كولەڭكەسىن.
بۇل قۋسا، كولەڭكەسى الىستادى،
جۇگىرسە، جۇيرىكتىگى قالىسپادى.
قاتتى دا، جاي دا قۋدى - ۇستاتپادى،
بولعانشا بار ونەرىن قارىشتادى.
تەنتەكتىڭ ءبىر مەزگىلدە كىردى ەسى:
«اۋرە بوپ قۋىپ، ماعان قاجەت نەسى؟»
وسىلاي ويلاپ، قايتا ءجۇرىپ ەدى،
ارتىنان قۋدى ەندى كولەڭكەسى.

* * *
كەيبىرەۋ قىدىر دارىپ، قاراسا ب ا ق،
بەينە ءبىر وسى ايتىلعان كولەڭكە ناق.
قايرىلماي، قاراعاندا، باق-داۋلەتكە،
ارتىنان قۋالايدى قايتارىپ اپ.

---