InfoHub Logo

كىتاپحانا - ءبىلىم بەرۋ مەكەمەسىنىڭ اقپاراتتىق ورتالىعى ادامزات بالاسىنىڭ قول جەتكىزگەن ۇلى يگىلىكتەرىنىڭ ءبىرى – ءبىلىم قازىناسى. ال ءبىلىم سيپاتى الۋان ءتۇرلى. ول ۇرپاقتان – ۇرپاققا اۋىزشا، جازباشا تۇردە نەمەسە كوركەم ادەبيەت ارقىلى دا جەتكەن. كىتاپ ادام بالاسىنىڭ سان عاسىرلىق اقىل – ويىنىڭ جەمىسى، تاريحى مەن تاعىلىمىنىڭ التىن ساندىعى. ونسىز، ياعني كىتاپسىز ءومىر ءسۇرۋ XXI عاسىردا مۇمكىن ەمەس ەكەندىگى ءمالىم. كىتاپ قانا ءدال ءماندى ءبىلىم بەرەدى، سەبەبى ول ادامدى تەرەڭ ويلاۋعا جەتەلەدى. ءار ادام كىتاپتىڭ بەتىن اشقان سايىن ونىڭ الەمىنىڭ تىلسىم تابيعاتتىن، جاڭا قۇندىلىقتاردى ۇيرەنەدى. "نادانمەن دوس بولعانشا، كىتاپپەن دوس بول" دەپ تەككە ايتىلماعان. «كىتاپ دەگەنىمىز – الدىڭعى ۇرپاقتىڭ ارتقى ۇرپاققا قالدىرعان رۋحاني وسيەتى. كىتاپ وقۋدان تيىلساق، وي ويلاۋدان دا تيىلار ەدىك» - دەگەن ەدى عابيت مۇسىرەپوۆ. كىتاپ تاڭداپ تالعاپ وقي ءبىلۋ، ونى ءتۇسىنۋ مەن ءتۇيسىنۋ، العان اسەرىڭدى ءومىر قاجەتىڭە جاراتا ءبىلۋ – ءاربىر ادامنىڭ بىلىگى مەن ءبىلىمىن، پايىمى مەن پاراساتىن ايقىندايتىن العى شارتتاردىڭ ءبىرى. «كىتاپ ماعان تاقتان دا قىمبات»، - دەپ شەكسپيردىڭ بەرگەن باعاسى، بۇگىندە، وسى اسىل قازىنانى وقۋعا دەگەن قۇلشىنىستىڭ تومەندەۋى كوڭىل قىنجىلتادى. جاس ۇرپاقتىڭ ساناسىندا تۋعان حالقىنا دەگەن قۇرمەت پەن ماقتانىش سەزىم ۇيالاتىپ، ۇلتتىق رۋحتى ءسىڭىرۋ، سونداي-اق انا ءتىلى مەن ادەبيەتىن، تاريحى مەن ونەرىن قاستەرلەپ، حالىقتىڭ سالت - ءداستۇرىن ايالاي، ارداقتاي بىلۋگە تاربيەلەۋ كىتاپتىڭ ەنشىسىندە. وكىنىشكە وراي كوركەم ادەبيەتكە دەگەن ءوز بەتىمەن بالالاردىڭ قىزىعۋشىلىعى ازايدى. ادەبيەتكە دەگەن قۇلىقسىزدىق پايدا بولدى. ونىڭ سەبەپتەرىن كۇندەلىكتى قولدانىسقا ەنگەن عالام تور، كومپيۋتەر سەكىلدى قۇرالداردىڭ اسەرى دەپ بىلەمىز. بالا كىتاپ وقىپ، ويىن قورىتۋدىڭ ورنىنا تەلەديداردان دايىن ونىمدەردى كورۋگە بەيىم. مۇنىڭ بارلىعى بالالاردىڭ كىتاپ وقۋىنا ۇلكەن كەدەرگى كەلتىرەدى. وسى تۋرايدا ادەبي كىتاپتىڭ وقىلۋى ءۇشىن كىم قانداي كۇش جۇمساۋى ءتيىس دەگەن قيسىندى ساۋال تۋادى. كىتاپحاناشىلار جاس ۇرپاقتى ادەبيەتتەن تىس ەلەڭدەتەتىن اقپارات تۇرلەرى كوپ، قازاق تىلىندە بالالارعا ارنالعان ادەبيەتتەر تىم از دەپ شىرىلدايدى. كىمدە دە بولسا بىلىمدىلىككە ءسال-پال بولسادا قۇشتارلىعىن دامىتۋعا كومەكتەسەدى. كىتاپ وقىعان ادامنىڭ شەتتە كالماسى انىق. قوعامىمىزدىڭ رۋحاني الەمىن جۇتاڭداتىپ اكەتىپ بارا جاتقان وسى ماسەلەگە دەن قويۋىمىز دا تەگىن ەمەس. جۇرتشىلىق اراسىندا كىتاپحاناشىلاردى «رۋحانيات شىراقشىلارى» دەپ تە اتايدى. ورىندى ءسوز. وڭتايلاندىرۋ تۇسىندا كوپ كەدەرگىلەرگە ۇشىراعان سالانىڭ قازىرگى تاڭدا باسىنا باقىت قۇسى قايتادان قونعانداي. كىتاپ قورى مولايدى. زاماناۋي قوندىرعىلارمەن جابدىقتالۋى دا كوڭىل كونشىتەدى. سوعان وراي كىتاپحاناشىلارعا جۇكتەلەر مىندەت تە، قويىلار تالاپ تا كۇشەيدى. بۇگىنگى اڭگىمەمىزدىڭ ارقاۋى 90 جىلدان اسا تاريحى بار قاراشاڭىراق ماقتاارال گۋمانيتارلىق –ەكونوميكالىق جانە اگروبيزنەس كوللەدجىنىڭ وقۋ بازاسىنداعى كىتاپحانادا اتقارىلىپ جۇرگەن يگى ىستەر جايىندا بولماق. بۇگىنگى تاڭدا كىتاپحانا وقۋشىلاردىڭ جانە تۇرعىنداردىڭ جان-جاقتى اقپاراتتىق قاجەتتىلىگىن ەسكەرەتىن الەۋمەتتىك ورىن سانالادى. كىتاپحانادا زاماناۋي تەحنولوگيالاردىڭ كومەگىمەن ۇردىستەردى دامىتۋ، ەلەكتروندى مالىمەتتەر بازاسىن جيناقتاۋ، انىقتامالىق جانە بيبليوگرافيالىق قىزمەتتە الەمدىك اقپارات جيناۋشى عالامتوردى پايدالانۋ سىندى قىزمەتتەر ۇسىنىلعان. كىتاپحانا سوڭعى ۋلگىدەگى كومپيۋتەرلەرمەن قامتىلعان. كىتاپحاناشىلاردىڭ ۇيىمداستىرۋىمەن جەرگىلىكتى اقىن-جازۋشىلار، تانىمال تۇلعالارمەن كەزدەسۋ ۇيىمداستىرۋ جولعا قويىلعان. جاڭا كىتاپتىڭ تۇساۋكەسەرى، وقىرماندار كونفەرەنسياسى، وزەكتى ماسەلەلەرگە قاتىستى دوڭگەلەك ۇستەلدەر، الۋان تاقىرىپتا ينتەللەكتۋالدى ويىندار، پىكىر-تالاستار كوپشىلىكتىڭ قىزىعۋشىلىعىن تۋىنداتاتىن الۋان ءتۇرلى تاقىرىپتا مادەني-قوعامدىق ءىس-شارالار وتكىزىلەدى. قانداي سالا بولماسىن كاسىبي جەتىلۋ كىتاپحانانىڭ كومەگىنسىز مۇمكىن ەمەس. ءومىر وزگەرەدى، ادامدار وزگەرەدى، كىتاپحانا دا جاڭا مازمۇنعا يە بولادى. جاڭا اقپاراتتىق تەحنولوگيالاردى قولدانۋ تاسىلدەرى: ەلەكتروندى كاتالوگ، ەلەكتروندى وقۋلىقتاردى كومپيۋتەر ارقىلى وقۋ، اۋديو-ۆيدەو ماتەريالدار كومەگىمەن اقپارات الۋدا قولايلى جانە تەز ارادا وقىرماندار سۇرانىسىن قاناعاتتاندىرۋدا. عىلىم مەن ءبىلىمنىڭ نەگىزى بولىپ تابىلاتىن كىتاپ پەن ءبىلىم وشاقتارى - بىرىنەن-بىرى اجىراعىسىز رۋحاني قازىنالار. ويتكەنى وقۋ-تاربيە ۇردىسىنە كىتاپتىڭ قوسار ۇلەسىنىڭ ولشەۋسىز ەكەندىگى اقيقات. كىتاپ-رۋحاني پروگرەستىڭ كەپىلى، ەر مەن ەلدى ، مەملەكەت پەن مەملەكەتتى جاقىنداستىرار، تۇسىنككە باستار اسا ماڭىزدى رۋحاني فاكتور. كىتاپ - الەمدەگى ۇلى كۇش. ول سانانى نۇرعا بولەۋشى. كىتاپقا قىزىقتىرۋ - بىلىمگە قىزىقتىرۋ. كوللەدج كىتاپحاناسى – وقۋ ورنىنىڭ جۇرەگى، ءبىر بولىگى. جاڭا زامان كومپيۋتەر ءداۋىرى بولعانىمەن رۋحاني ازىق ىزدەگەن، كوزى اشىق، كوكىرەگى وياۋ ءاربىر ادامنىڭ كەلەر شاڭىراعى-كىتاپحانا. سوندىقتان دا، وقۋ ورنىنىڭ كىتاپحاناسىن - ءبىلىم بەرۋ مەكەمەلەرىنىڭ اقپاراتتىق ورتالىعى دەپ ايتامىز. قولدانىلعان ادەبيەتتەر ءتىزىمى: 1. كارىشالوۆا ك. كىتاپحانا جاڭا عاسىر مادەنيتەتىندە (بالالار ادەبيەتى پروبلەمالارى)// ساياسات. - №3. - 2006. - 28-29ب. 2. دۇتبايەۆا ن. كىتاپ نەگە وقىلمايدى: سەبەپ پەن سالدار// قازاق ادەبيەتى. - 2009. - 30 قاڭتار. - 1-3ب. 3. ب ا ق 4. ينتەرنەت جەلىسىندەگى اقپارات كوزدەرى

---