جۇڭگو ەشقاشان اقش سايلاۋىنا ارالاسپاعان. بۇل تۋرالى قحر-دىڭ ۆاشينگتونداعى ەلشىلىگى دونالد ترامپتىڭ حالىققا ۇندەۋىندە ايتىلعان ايىپتاۋلارىنا بايلانىستى مالىمدەدى، دەپ حابارلايدى infohub.kz.
قىتايدىڭ ۆاشينگتونداعى ەلشىلىگى مالىمدەمە جاريالادى. «جۇڭگو باسقا مەملەكەتتەردىڭ ىشكى ىستەرىنە ارالاسپاۋ قاعيداتىن ۇستانادى. اقش سايلاۋى – امەريكا قۇراما شتاتتارىنىڭ ىشكى ءىسى. ونىڭ ناتيجەسىن امەريكان حالقىنىڭ داۋىستارى انىقتايدى. جۇڭگو اقش-تاعى پرەزيدەنتتىك سايلاۋعا ەشقاشان ارالاسپاعان جانە ەشقاشان ارالاسپايدى»، — دەپ مالىمدەدى قحر ەلشىلىگى.
بۇعان دەيىن ترامپ قىتايدى 2020 جىلدان بەرى تاريحتاعى ەڭ ءىرى سايلاۋ دەرەكتەرىن كومپروماسيالادى دەپ ايىپتادى. اق ءۇي باسشىسى سونداي-اق رەسەي، قحر، كحدر جانە يراندى اقش-تىڭ سايلاۋ جۇيەسىنە ءقاۋىپ دەپ اتادى.