2026 جىلدان باستاپ قازاقستاندا ققس بويىنشا مىندەتتى ەسەپكە قويۋ اينالىمى 10 مىڭ اەك-تەن (شامامەن 43 ملن تەڭگە) اساتىن جاعدايدا تالاپ ەتىلەدى. بۇل ەرەجە تەك جالپى بەلگىلەنگەن سالىق سالۋ رەجيمىندە جۇمىس ىستەيتىن سالىق تولەۋشىلەرگە قاتىستى، دەپ حابارلايدى infohub.kz سايتى.
مەملەكەتتىك كىرىستەر كوميتەتىندە جەكە كاسىپكەرلەر مەن زاڭدى تۇلعالار ققس تولەۋشىسى رەتىندە مىندەتتى تىركەلۋ ءۇشىن اينالىم شەگىنەن اسىپ كەتسە جانە ونى ۋاقىتىندا جاساماسا، ايىپپۇل سالىنۋى مۇمكىن ەكەنىن ەسكە سالدى.
بەلگىلەنگەن شەكتەن اسقان جاعدايدا كاسىپكەر نەمەسە كومپانيا ققس تولەۋشىسى رەتىندە ەسەپكە تۇرۋعا مىندەتتى. ەسەپكە قويۋ مەرزىمىن بۇزعانى ءۇشىن اكىمشىلىك كودەكستىڭ 269-بابىنىڭ 3-بولىگىنە سايكەس اكىمشىلىك جاۋاپكەرشىلىك — 50 اەك مولشەرىندە ايىپپۇل قاراستىرىلعان.
سونىمەن قاتار، سالىق تولەۋشى ققس بويىنشا ەسەپتە تۇرۋعا ءتيىس بولعان كەزەڭدە جۇزەگە اسىرىلعان اينالىم ءۇشىن اكىمشىلىك كودەكستىڭ 275-بابىنىڭ 5-بولىگىنە سايكەس وسىنداي اينالىم سوماسىنىڭ 15 پايىزى مولشەرىندە ايىپپۇل قاراستىرىلعان.
مكك-دە كاسىپكەرلەر مەن كومپانيالار كەيدە حاباردار بولماۋى سالدارىنان شەكتەن اسىپ جىبەرەتىنىن جانە مۇنداي بۇزۋشىلىقتار سالىقتىق باقىلاۋ بارىسىندا انىقتالاتىنىن اتاپ ءوتتى.
بۇعان دەيىن 2027 جىلى قارجى مينيسترلىگى ققس تۇسىمدەرىنەن 9،5 ترلن تەڭگە الۋدى جوسپارلاپ وتىرعانى حابارلانعان بولاتىن — بۇل 2026 جىلعى باعالاۋدان 36 پايىزعا جوعارى. ءوسىمنىڭ نەگىزگى فاكتورلارى ءجىو-نىڭ ۇلعايۋى، ققس-تىڭ جاڭا مولشەرلەمەسى جانە بيۋدجەتتەن سالىقتى قايتارۋ كولەمىنىڭ ازايۋى بولۋى ءتيىس.
قازاقستاندا وندىرىلگەن تاۋارلار مەن قىزمەتتەردەن شامامەن 4،5 ترلن تەڭگە، يمپورتتان تاعى 5 ترلن تەڭگە الۋ جوسپارلانۋدا. 2028 جىلى ققس تۇسىمدەرى 10،5 ترلن تەڭگە، 2029 جىلى — 11،4 ترلن تەڭگە دەڭگەيىندە بولجانىپ وتىر.
سونداي-اق QR-تولەمدەرگە قىزمەت كورسەتۋ، تەلەفون ءنومىرى بويىنشا اۋدارىمدار، ەلەكتروندى اقشا جانە سيفرلىق تەڭگە بويىنشا ققس-تان بوساتۋ مۇمكىندىگى قاراستىرىلۋدا.