الەمدە 450 مىڭنان استام ادام الداعى التى ايدا ەل-نينو تابيعي قۇبىلىسىنان تۋىنداعان رەكوردتىق ىستىقتان قازا تابۋى مۇمكىن. بۇل بولجام Climate Impact Lab جانە چيكاگو ۋنيۆەرسيتەتى كليماتولوگتارىنىڭ بىرلەسكەن بايانداماسىندا ايتىلعان، دەپ حابارلايدى infohub.kz سايتى.
ەل-نينو — تىنىق مۇحيتتىڭ ورتالىق جانە شىعىس ەكۆاتورلىق بولىگىندەگى بەتكى سۋلار ادەتتەگىدەن ايتارلىقتاي جىلى بولاتىن تابيعي كليماتتىق قۇبىلىس.
عالىمداردىڭ پىكىرىنشە، ىستىقتىڭ سالدارى بۇكىل الەمدى قامتيدى — يندونەزيادان ءۇندىستانعا، نيگەريادان اقش-قا دەيىن. قۇرعاقشىلىق، ورمان ورتتەرى مەن سۋ تاسقىنىنان جاڭا ولىمدەر كوپ بولادى دەپ كۇتىلۋدە.
زەرتتەۋشىلەر حالىقتى قورعاۋ شارالارىن قولدانۋعا شاقىردى. ولارعا مىنالار جاتادى: ىستىقتى دالىرەك بولجاۋ، ادامدار اۋا رايىنان باس ساۋعالايتىن سالقىنداتۋ پۋنكتتەرىن اشۋ، ەڭ ىستىق كەزەڭدەردە مەديسينالىق مەكەمەلەر شتاتىن ۇلعايتۋ جانە اشىق اۋادا جۇمىس ىستەيتىن قىزمەتكەرلەردى قورعاۋ.
«451 مىڭ ادام دەگەن باعا تىم ۇلكەن، ادامدى ابىرجىتىپ جىبەرۋى مۇمكىن، ءبىراق وعان اتا-انالار مەن بالالار، اجەلەر مەن اتالار، كورشىلەر، جۇمىسقا بارىپ، وتباسىن اسىراپ، ءوز ءومىرىن جالعاستىرىپ جاتقان ادامدار كىرەدى»، — دەدى باياندامانىڭ تەڭ اۆتورى، پروفەسسور مايكل گرينستوۋن.
ىستىقتان ءولىم 2027 جىلدىڭ قىركۇيەگىنەن اقپانىنا دەيىن ارتادى دەپ كۇتىلۋدە.
عالىمداردىڭ باعالاۋىنشا، الداعى التى ايدا ەڭ كوپ زارداپ شەگەتىن ەلدەر — نيگەريا، يندونەزيا، سۋدان، ءۇندىستان جانە برازيليا. اقش تا ەڭ كوپ زارداپ شەگەتىن 20 ەلدىڭ قاتارىندا، وندا ىستىقتان تاعى 3500 ءولىم بولجانىپ وتىر.