امەريكا قۇراما شتاتتارىنىڭ بۇرىنعى مەملەكەتتىك حاتشىسى حيللاري كلينتون ۆاشينگتوننىڭ ىشكى جانە سىرتقى ساياساتىن قاتتى سىنعا الىپ، ەل ەندى ناقتى ويىنشى بولۋدان قالدى، تەك حالىقارالىق ارەنادا ماسەلە تۋعىزىپ وتىر دەپ مالىمدەدى، دەپ حابارلايدى infohub.kz سايتى.
كلينتوننىڭ ايتۋىنشا، امەريكالىق بيلىك باسقا مەملەكەتتەرمەن قارىم-قاتىناسقا كەرى اسەر ەتەتىن ۇستانىمدارعا كوشكەن. «قاراڭىزدار، ءقازىر ءبىز ناقتى ەل ەمەسپىز. ءبىز ءقاۋىپتى ەلمىز. ءتۇرلى ماسەلە تۋعىزىپ وتىرمىز. الەمدىك ارەنادا كۇلكىلى ۇستانىمدارعا بارىپ ءجۇرمىز»، — دەدى ول.
ءوز كەزىندە دونالد ترامپقا سايلاۋدا جەڭىلىپ قالعان كلينتون اقش ەڭ جاقىن دوستارىمەن جانە كورشىلەرىمەن جانجالداساتىن دەڭگەيگە جەتكەنىن اتاپ ءوتتى. «سونىمەن قاتار بىزگە جاماندىق تىلەگەندەرگە جەڭىلدىك جاسايمىز. ياعني، ءبىز ناقتى ەل ەمەسپىز، ناقتى باسشىلىعىمىز دا جوق»، — دەپ قوستى ول.
بۇل مالىمدەمەلەر كونگرەسستەگى ارالىق سايلاۋ قارساڭىندا دەموكراتيالىق پارتيانىڭ «ەليتاسى» مەن «زەينەتكەرلەرىنىڭ» ايتارلىقتاي بەلسەندىلىك تانىتۋى اياسىندا ايتىلدى. جۋىردا «شاڭ باسقان ساندىقتان» كامالا ءحارريستى شىعارىپ الدى. ول وتىننىڭ جاڭا باعاسى جازىلعان جانارماي قۇيۋ بەكەتىنىڭ تاقتاسى اياسىندا ترامپ پەن رەسپۋبليكاشىلداردى سىنادى. ونىڭ ايتۋىنشا، ترامپ باستاعان سوعىس سالدارىنان امەريكاندىقتار ءار كولىك قۇيۋعا 15 دوللار ارتىق تولەپ وتىر.
ەسكە سالايىق، جاقىندا امەريكاندىقتار جاڭا كونگرەسىن سايلايدى. ازىرگە ساۋالنامالار دەموكراتتاردىڭ الدا كەلە جاتقانىن كورسەتىپ وتىر. ال ترامپ سايلاۋدا رەسپۋبليكالىق پارتيا جەڭىسكە جەتسە، اقش-تىڭ ءاربىر كامەلەتكە تولعان ازاماتىنا 5 مىڭ دوللاردان بەرەمىن دەپ ۋادە ەتتى.