قازاقستاندىق KMF بانك حالىقارالىق ينۆەستور ىزدەۋگە كىرىستى. بولاشاقتا ول قارجى ينستيتۋتىنىڭ كاپيتالىنا كىرە الادى. ءقازىردىڭ وزىندە بىرنەشە حالىقارالىق ينستيتۋسيونالدىق ينۆەستورلارمەن جانە قارجى سەكتورىنداعى ستراتەگيالىق سەرىكتەستەرمەن كەلىسسوزدەر ءجۇرىپ جاتىر. بۇل تۋرالى بانك باسقارما ءتوراعاسى شالقار ءجۇسىپوۆ Forbes Kazakhstan-قا بەرگەن سۇحباتىندا ايتتى، دەپ حابارلايدى infohub.kz.
ءقازىر KMF بانكتىڭ ماجوريتارلىق اكسيونەرى — «KMF-دەمەۋ» قورى. وعان بانك اكسيالارىنىڭ 60،4%-ى تيەسىلى. قور امەريكاندىق ACDI/VOCA ۇيىمىنىڭ قولداۋىمەن قۇرىلعان جانە جىلدار بويى KMFء-تىڭ دامۋىنا سەرىك بولدى.
ءجۇسىپوۆتىڭ ايتۋىنشا، بانك ءوزىن دەربەس قارجى ينستيتۋتى رەتىندە قالىپتاستىردى، سوندىقتان «KMF-دەمەۋ» بىرتىندەپ ماجوريتارلىق اكسيونەر مارتەبەسىنەن مينوريتارلىققا وتۋگە دايىندالۋدا.
دەگەنمەن بانك باسشىسى ناقتى الەۋەتتى ينۆەستوردى اتامادى. ول تەك ءبىرقاتار حالىقارالىق ينستيتۋسيونالدىق ينۆەستورلارمەن جانە ستراتەگيالىق سەرىكتەستەرمەن كەلىسسوزدەر ءجۇرىپ جاتقانىن عانا حابارلادى.
«ءبىز ءۇشىن ميكرو جانە شاعىن بيزنەستى دامىتۋعا، ايەلدەر كاسىپكەرلىگىن قولداۋعا، وڭىرلەر مەن قارجىلىق ينكليۋزياعا باعىتتالعان كوزقاراسىمىزبەن بولىسەتىن سەرىكتەس تابۋ وتە ماڭىزدى. مۇنداي ينۆەستور اكسيونەرلەر قۇرىلىمىن ءارتاراپتاندىرىپ قانا قويماي، حالىقارالىق تاجىريبە، وزىق ادىستەر مەن بانكتىڭ ودان ءارى دامۋىنا قوسىمشا مۇمكىندىكتەر اكەلە الادى»، — دەدى ول.
«KMF بانك» ءقازىردىڭ وزىندە ءبىرقاتار حالىقارالىق قارجى ۇيىمدارىمەن جانە دامۋ ينستيتۋتتارىمەن ىنتىماقتاسادى. ولاردىڭ قاتارىندا ەۋروپا قايتا قۇرۋ جانە دامۋ بانكى، IFC، Proparco، اۋستريا دامۋ بانكى، SIFEM جانە JICA بار. بانك سونداي-اق تۇرىك ينۆەستيسيالىق قورىمەن سەرىكتەستىك ورناتقان.
ەسكە سالايىق، 2025 جىلعى 12 تامىزدا KMF بانكتىك ليسەنزيا الدى. وعان دەيىن بۇل ميكروقارجى ۇيىمى ەدى. ۇلتتىق بانكتىڭ دەرەگىنشە، اينالۋعا دەيىن ول مۇۇ اراسىندا اكتيۆتەر كولەمى بويىنشا ءبىرىنشى ورىندا تۇرعان. ال بانكتەر اراسىندا قارجى ۇيىمى 23ء-تىڭ ىشىندە 18-ورىنعا جايعاسقان.
«KMF-دەمەۋ» قۇرىلتايشىسى — اقش-تا تىركەلگەن ACDI/VOCA كوممەرسيالىق ەمەس ۇيىمى.