سولتۇستىك كورەيا اقش، جاپونيا جانە وڭتۇستىك كورەيانىڭ كورەي تۇبەگىن دەنۋكلەاريزاسيالاۋ تۋرالى بىرلەسكەن مالىمدەمەسىن ايىپتاپ، ءوزىنىڭ يادرولىق مارتەبەسى مىزعىماس كۇيدە قالاتىنىن ەسكەرتتى، دەپ حابارلايدى infohub.kz سايتى.
بۇل تۋرالى كحدر سىرتقى ىستەر ءمينيسترى چحۆە سون حي مالىمدەمە جاسادى. ونىڭ سوزدەرى اقش، وڭتۇستىك كورەيا جانە جاپونيا كحدر-دى دەنۋكلەاريزاسيالاۋعا جانە ونىڭ زىمىران-يادرولىق باعدارلامالارىن قارجىلاندىرۋ كوزدەرىن جويۋعا بەيىلدىلىك تانىتقان تۇستا ايتىلدى.
«اقش پەن ونىڭ وداقتاستارى „دەنۋكلەاريزاسيانى“ نەعۇرلىم قاتتى تالاپ ەتكەن سايىن، ءبىزدىڭ مەملەكەت ءۇشىن يادرولىق قارۋعا يە بولۋدىڭ زاڭدىلىعى جانە ونى نىعايتۋ قاجەتتىلىگى سوعۇرلىم بەرىك بولا تۇسەدى»، — دەدى مينيستر.
كحدر-دا يادرولىق قارۋعا يە بولۋ ەل ەگەمەندىگىن قورعاۋدىڭ ەڭ جوعارى كەپىلى دەپ سانايدى.
ايتا كەتەيىك، جاقىندا كحدر قورعانىس مينيسترلىگى اقش پەن وڭتۇستىك كورەيانىڭ قاۋىپ-قاتەرلەرىنە جاۋاپ رەتىندە «مەملەكەتتىك يادرولىق قارۋلى كۇشتەر ساياساتى تۋرالى زاڭنىڭ بابىن» ىسكە قوسۋعا قاۋىپتەندى.
وسىدان كەيىن كحدر-دىڭ زىمىران اسكەرلەرى جاڭا تيپتەگى قارۋدى سىناقتان وتكىزدى — سولتۇستىك كورەيا كوشباسشىسى كيم چەن ىن جاڭا قارۋدى «جەڭىلمەيتىن كۇش» دەپ اتادى.