سەگىز ساعات ۇيىقتاپ، ءتۇنى بويى ويانباساڭىز دا، ءبىر كەسە كوفە ءسىزدى تولىققاندى قالپىنا كەلتىرۋدەن ايىرا الادى. بۇل قورىتىندىعا ۆروسلاۆ مەديسينا ۋنيۆەرسيتەتىنىڭ زەرتتەۋشىلەرى كەلدى، دەپ حابارلايدى infohub.kz سايتى.
ScienceDaily جازۋىنشا، كوپشىلىك كوفە ىشكەننەن كەيىن تەز ۇيىقتاپ كەتسە، سۋسىن ورگانيزمگە اسەر ەتپەيدى دەپ قاتە ويلايدى. الايدا ارنايى قۇرىلعىلار كورسەتكەندەي، كوفەيننىڭ اسەرىنەن مي تەرەڭ ۇيقى فازاسىنا جاۋاپ بەرەتىن باياۋ تولقىنداردى ازىراق شىعارادى. ناتيجەسىندە ادام توسەكتە جەتكىلىكتى ۋاقىت وتكىزگەنىمەن، شارشاپ ويانادى.
ءقاۋىپتىسى — ادامنىڭ ءوزى بۇل ماسەلەنى بايقاماۋى مۇمكىن. وعان ءتۇنى بويى تالماي ۇيىقتاعانداي كورىنەدى، ال مي سەرگەك رەجيمدە جۇمىس ىستەگەن. وسىدان ەنەرگيانى جاڭارتۋ جانە كۇش-قۋاتتى قالپىنا كەلتىرۋ پروسەستەرى بۇزىلادى. سونىمەن قاتار سۋسىنعا سەزىمتالدىق اركىمدە ءارتۇرلى — كەيبىر ادامداردا كۇندىزگى پورسيا دا تۇنگى تەرەڭ ۇيقى فازاسىن بۇزۋى مۇمكىن.
ءسويتىپ، ادام تۇيىق شەڭبەرگە تاپ بولادى. تۇندە تولىققاندى دەمالماعان ول كەلەسى كۇنى قالجىراپ، قايتادان كوفەگە قول سوزادى. عالىمدار كوفەيننىڭ ءبىر جاقتى جامان نەمەسە جاقسى زات ەمەس ەكەنىن، ءبىراق ونى قولدانعاندا جەكە سەزىمتالدىقتى، تاۋلىك ۋاقىتىن جانە جالپى سترەسس دەڭگەيىن ەسكەرۋ قاجەت ەكەنىن اتاپ وتەدى.