كوكونىستەر تۋرالى ەرتەگى

كوكونىستەر تۋرالى ەرتەگى
ءبىر باقشادا ءار ءتۇرلى كوكونىستەر ءوسىپتى.
جاسىل قيار – اقكوڭىل، ازىلكەش، ەشقاشان قايعىرۋدى بىلمەيتىن، بارلىق كوكونىستەردى كەكەتىپ – مۇقاتقاندى ۇناتاتىن.
قىزىل قىزاناق – ماڭىزدى، قاشان دا ءساندى. ول «بۇگىن جاڭبىر جاۋادى دەپ ويلايمىن» دەگەن سوزدەردى ءجيى ايتادى ەكەن. شىنىڭدا دا جاڭبىر جاۋعان كەزدە قىزاناق: «كوردىڭدەر مە! مەنىڭ ايتقانىم دۇرىس كەلدى عوي!» دەپ تاعى ماقتانادى ەكەن. ەگەر جاڭبىر بولماسا، قىزاناق ساسپاي، ءوزى ايتقان سوزگە قاتىسى بولماعانداي تۇراتىن.
قىزعىلتسارى ءسابىز بولسا: «مەنىڭ بار سىلۋلىعىم جەر استىندا جاتىر، ەشكىم كورمەيدى، مەن باقىتسىزبىن!» دەپ ءاردايىم كوڭىلسىز بولىپ، بۇرقىلدايتىن كورىنەدى.
اققاداۋندى قىرىققابات – كىشىپەيىل، سوزشەڭ. ول «باسىندا جاپىراعىم ەكەۋ – اق ەدى، ءقازىر ءتىپتى كوبەيىپ كەتتى.» - دەپ، بارشا ايتار اڭگىمەسى تەك كيىمنىڭ اۋىرلاپ كەتكەندىگى جايلى.
قوڭىر كارتوپ بولسا – قايىرىمدى، مەيىربان. باقشاداعى كوكونىستەرمەن تۇگەل دوس بولىپ، بارىنە كومەكتەسەدى. كارتوپتى ءبارى جاقسى كورەدى.
باس پياز – جاعىمسىز، ول اينالاسىنداعىلاردىڭ كوزدەرىنەن جاس اعىپ، ۇنەمى جىلاپ جۇرگەندەرىن ۇناتاتىن.
مىنە، وسىنداي ءتۇرلى مىنەزدى كوكونىستەر سيىسىپ، ءبىر باقشادا ءوسىپتى. قالاي ويلايسىڭدار، وسىنداي مىنەز - ق ۇلىقتار ادامدار ومىرىندە كەزدەسە مە؟