كوكشەتاۋدا جەدەل ۋاكىلدەر ورتالىق باسقارۋ ءپۋلتىنىڭ (وبپ) كامەرالارى ارقىلى ۇرلانعان كولىكتىڭ باعىتىن انىقتاپ، كۇدىكتىنى ۇستادى، دەپ حابارلايدى infohub.kz سايتى.
اقمولا وبلىسى پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، 2 قىركۇيەك تاڭەرتەڭ جەرگىلىكتى تۇرعىن «ۆاز-2112» كولىگىنىڭ ۇرلانعانى تۋرالى ارىزبەن پوليسياعا جۇگىنگەن. يەسىنىڭ ايتۋىنشا، بەلگىسىز بىرەۋ كولىكتى ءۇيىنىڭ اۋلاسىنان الىپ كەتكەن. تەكسەرۋ بارىسىندا كولىك ق ۇلىپتالماعان، ال كىلتتەر سالوندا قالعانى انىقتالدى. وسى ابايسىزدىقتى پايدالانعان قىلمىسكەر.
ارىز تۇسكەن بويدا پوليسەيلەر جەدەل-ىزدەستىرۋ ءىس-شارالارىن باستادى. سونىڭ ىشىندە قالالىق بەينەباقىلاۋ كامەرالارىنىڭ جازبالارى زەرتتەلىپ، ۇرلانعان كولىككە بەرىلگەن باعدار بارلىق پاترۋلدىك ناريادتارعا جەتكىزىلدى. تەكسەرۋ بارىسىندا وبپ كامەرالارىنىڭ ءبىرى ۇرلانعان كولىكتى تىركەپ، ونىڭ قوزعالىس باعىتىن باقىلاۋعا مۇمكىندىك بەرگەن. الىنعان اقپارات پاترۋلدىكتەرگە جەدەل جەتكىزىلدى.
قابىلدانعان شارالاردىڭ ناتيجەسىندە ينسپەكتورلار قۋانىش سادبەكوۆ پەن بەيبىت قامباشەۆتان قۇرالعان ەكيپاج كۇدىكتىنى سول كۇنى ۇستادى. كولىكتى يەمدەنگەننەن كەيىن ونىڭ تەمەكى ىزدەپ قالا بويىنشا جۇرگەنى انىقتالدى. ۇرلىق فاكتىسى بويىنشا تەرگەۋ جۇرگىزىلىپ، وقيعانىڭ بارلىق ءمان-جايى انىقتالۋدا.