كوكشەتاۋدا پوليسەيلەر ينتەرنەتتە ايەل ەسىمدەرىمەن جاسالعان جالعان اككاۋنتتاردى پايدالانىپ، ازاماتتاردى الداۋدىڭ سحەماسىن اشتى، دەپ حابارلايدى infohub.kz سايتى.
NUR.KZ اگەنتتىگىنىڭ اقمولا وبلىسى پوليسيا دەپارتامەنتىنە سىلتەمە جاساپ حابارلاۋىنشا، كيبەرقىلمىسقا قارسى كۇرەس باسقارماسىنىڭ قىزمەتكەرلەرى قالانىڭ ەكى تۇرعىنىن انىقتاعان. تەرگەۋ نۇسقاسى بويىنشا، ولار ايەل دەرەكتەرىمەن اككاۋنتتار جاساپ، جەلىدە ەرلەرمەن تانىسقان.
زارداپ شەككەندەردىڭ ءبىرى — كوكشەتاۋدىڭ 34 جاستاعى تۇرعىنى. ول اعىمداعى جىلدىڭ شىلدەسىندە بەلگىسىز ادامدار Telegram ارقىلى الداپ، وعان تيەسىلى 28 مىڭ تەڭگەسىن يەمدەنگەنىن ايتقان.
حات الماسۋ بارىسىندا اڭگىمەلەسۋشىلەر سەنىمگە كىرىپ، كەيىن ءتۇرلى سىلتاۋلارمەن اقشا اۋدارۋدى سۇراعان. بۇل رەتتە جەكە كەزدەسۋگە ءىس جەتپەگەن — اقشانى العان سوڭ ولار بايلانىسقا شىعۋدى توقتاتقان.
قازىرگى تاڭدا الاياقتىق فاكتىسى بويىنشا سوتقا دەيىنگى تەرگەۋ جۇرگىزىلۋدە. پوليسەيلەر بولعان وقيعانىڭ بارلىق ءمان-جايىن انىقتاپ، فيگۋرانتتاردىڭ باسقا دا وسىعان ۇقساس ەپيزودتارعا قاتىسى بار-جوعىن تەكسەرۋدە.