كوكشەتاۋدا سينتەتيكالىق ەسىرتكىنى زاڭسىز ساتىپ الۋ، ساقتاۋ جانە وتكىزۋ فاكتىسى بويىنشا اكەسى مەن قىزىنا قاتىستى ۇكىم شىعارىلدى، دەپ حابارلايدى infohub.kz سايتى.
تەرگەۋ دەرەكتەرى بويىنشا، ءساۋىر ايىندا كوكشەتاۋدىڭ 20 جاستاعى تۇرعىنى ەرەكشە ءىرى مولشەردە پسيحوتروپتىق زاتتى زاڭسىز ساتىپ العان. وسىدان كەيىن بىردەن قىز ناشاقورلىققا قارسى كۇرەس پوليسەيلەرىنىڭ نازارىنا ىلىككەن.
تەرگەۋ بارىسىندا ونىڭ اكەسىنىڭ دە زاڭسىز ارەكەتكە قاتىسى بار ەكەنى انىقتالدى. رەسمي تابىسى جوق ەر ادام الەۋمەتتىك جەلىلەردەن تابىس تابۋ مۇمكىندىگى تۋرالى حابارلاندىرۋدى تاۋىپ، ەسىرتكى تاراتۋشى (زاكلادچيك) رەتىندە جۇمىس ىستەۋگە كەلىسكەن.
ونىڭ ارەكەتى پوليسيا قىزمەتكەرلەرىمەن توقتاتىلدى. ەر ادام قولدى بولدى. جەدەل ءىس-شارالار بارىسىندا ودان سينتەتيكالىق ەسىرتكى زاتى بار 30 وراما تاركىلەندى.
قىلمىستىق ىستەردى قاراۋ ناتيجەسىندە سوت اكەسى مەن قىزىن كىنالى دەپ تانىدى. شىلدە ايىندا التى كۇن ايىرماشىلىقپەن ايىپتاۋ ۇكىمدەرى شىعارىلدى.
20 جاستاعى قىزعا 4 جىل باس بوستاندىعىنان ايىرۋ جازاسى تاعايىندالدى. الايدا امنيستيا تۋرالى زاڭعا سايكەس مەرزىم قىسقارتىلىپ، تۇپكىلىكتى 2 جىل 8 ايعا باس بوستاندىعىنان ايىرۋ جازاسى بەلگىلەندى. ونىڭ اكەسىنە سوت 5 جىل 4 ايعا باس بوستاندىعىنان ايىرۋ جازاسىن تاعايىندادى. سونىمەن قاتار، ەر ادامنىڭ جەسىر ەكەنىن جانە كامەلەتكە تولماعان بالاسىن جالعىز ءوزى تاربيەلەپ وتىرعانىن ەسكەرە وتىرىپ، سوت جازانى ءۇش جىلعا كەيىنگە قالدىرۋدى قولداندى.