كوكشەتاۋدا بەس قالالىق ەمحانا مەن ەسكىرگەن عيماراتتارداعى ستاسيونارلار كوشەتىن الىپ كوپبەيىندى اۋرۋحانا قارقىندى سالىنۋدا. جوبا 76%-عا دايىن، دەپ حابارلايدى infohub.kz سايتى.
جاڭا مەديسينالىق كەشەن قازاقستانداعى ەڭ ۇلكەن اۋرۋحانالاردىڭ بىرىنە اينالادى. مۇندا اۋىسىمىنا 500 پاسيەنتكە دەيىن قابىلداي الاتىن ءىرى دياگنوستيكالىق ورتالىق، كۇندىزگى ستاسيونار، سونداي-اق 120 ورىندىق پەرزەنتحانا مەن ونكولوگيا بولىمشەسى اشىلادى.
دارىگەرلەر ءۇشىن 19 زاماناۋي وتا جاساۋ بولمەسى جابدىقتالىپ، كلينيكانىڭ ءوزى وزىق كت، مرت اپپاراتتارىمەن جانە ساۋلەلىك تەراپيا تەحنيكاسىمەن قامتاماسىز ەتىلەدى.
مۇندا كۇردەلى جاراقاتتار، جۇرەك جانە جۇيكە جۇيەسى اۋرۋلارى ەمدەلىپ، ينسۋلتتان كەيىن وڭالتۋ جۇمىستارى جۇرگىزىلەدى. مينۋت سانالىپ جاتقان شۇعىل جاعدايلار ءۇشىن اۋماقتا تىكۇشاق الاڭى قاراستىرىلعان.
قۇرىلىس بارىسىن تەكسەرۋگە دەنساۋلىق ساقتاۋ ءمينيسترى اقارال النازاروۆا كەلدى.
«بۇل – سوڭعى 20 جىلداعى دەنساۋلىق ساقتاۋ سالاسىنداعى ەڭ ءىرى مەملەكەتتىك-جەكەمەنشىك ارىپتەستىك جوبالارىنىڭ ءبىرى. قۇرىلىستى ۋاقىتىندا اياقتاپ قانا قويماي، اۋرۋحانانى زاماناۋي جابدىقتارمەن جانە بىلىكتى كادرلارمەن قامتاماسىز ەتۋ ءپرينسيپتى تۇردە ماڭىزدى. ءبىز جوبانى بارلىق كەزەڭدەردە بارىنشا سۇيەمەلدەيتىن بولامىز»، – دەپ اتاپ ءوتتى مينيستر.
بولاشاق اۋرۋحانا ءۇشىن دارىگەرلەر مەن مەدبيكەلەردى دايارلاۋ بىلتىر باستالعان. اشىلۋدان كەيىن وسى زاماناۋي كەشەنگە ءقازىر ەسكى عيماراتتاردا تاپتايتىن بەس قالالىق مەديسينالىق مەكەمە كوشەتىنى كۇتىلۋدە. بارلىعى جاڭا اۋرۋحانا قالاعا شامامەن 1،5 مىڭ جۇمىس ورنىن بەرەدى.
بۇعان دەيىن «كۋرسيۆ» باتىس قازاقستان وبلىسىندا 6،9 ملرد تەڭگەگە كوپبەيىندى اۋرۋحانا سالىنىپ جاتقانىن جازعان.