كوكشەتاۋدا ەر ادام مەن قىزدىڭ اراسىنداعى جول داۋى قىلمىستىق ىسكە ۇلاستى: كۇدىكتى انىقتالدى، دەپ حابارلايدى infohub.kz سايتى.
اقمولا وبلىسى پوليسيا دەپارتامەنتىنىڭ ءباسپاسوز قىزمەتى حابارلاعانداي، وقيعا 17 قىركۇيەكتە اقان سەرى كوشەسىندەگى ۇيلەردىڭ ءبىرىنىڭ جانىندا بولعان. قىز Lada Vesta كولىگىن كولىك شىعاتىن قاقپانىڭ الدىنا قويىپ، ساباققا كەتكەن.
شامامەن ءبىر جارىم ساعاتتان كەيىن ورالعان ول كولىك يەسىن 40 مينۋتتاي كۇتكەن ەر ادامدى كەزدەستىرگەن.
«ولاردىڭ اراسىندا تۇراققا بايلانىستى جانجال تۋىندادى. ەر ادام كولىكتىڭ ەسىگىن تەپكەن، سالدارىنان قىز باسىنان جاراقات الدى»، — دەپ حابارلادى اقمولا وبلىسى پوليسيا دەپارتامەنتىندە.
سونىمەن قاتار پوليسيا دەرەگىنشە، قاقپانىڭ الدىندا كولىك شىعاتىن ايماق ەكەنىن كورسەتەتىن جول بەلگىلەرى نەمەسە وزگە دە كورنەكى بەلگىلەر بولماعان.
اقپارات الەۋمەتتىك جەلىلەردە تاراعاننان كەيىن پوليسەيلەر 1983 جىلى تۋعان ەر ادامنىڭ جەكە باسىن انىقتادى. وعان قاتىستى بۇزاقىلىق فاكتىسى بويىنشا سوتقا دەيىنگى تەرگەۋ باستالدى.
وقيعانىڭ ءمان-جايى انىقتالۋدا. تەرگەۋ قورىتىندىسى بويىنشا ءتيىستى پروسەستىك شەشىم قابىلدانادى.