قازگيدرومەت مالىمەتىنشە، 29 ساۋىردە قازاقستاننىڭ كوپتەگەن قالالارىندا اۋا رايى قولايلى بولادى دەپ كۇتىلۋدە. بۇل تۋرالى infohub.kz سايتى حابارلايدى.
سينوپتيكتەر اقتوبە، الماتى، سونداي-اق تۇنگى ۋاقىتتا اتىراۋ، ريددەر جانە وسكەمەندە قولايسىز مەتەوجاعدايلار (قمج) بولاتىنىن ەسكەرتتى.
قولايسىز مەتەوجاعدايلار – بۇل اۋانىڭ تومەنگى قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (تىمىق، ءالسىز جەل، تۇمان، ينۆەرسيا) جيىنتىعى. قمج پايدا بولعان كەزدە ەلدى مەكەندەردەگى اۋا ساپاسىنىڭ ناشارلاۋى مۇمكىن.
لاستانۋ دەڭگەيىن انىقتايتىن نەگىزگى فاكتورلاردىڭ ءبىرى – سينوپتيكالىق بولجام. ول جەل، جاۋىن-شاشىن، ىلعالدىلىق پەن اۋا تەمپەراتۋراسىن قامتيدى.