ق ر ەڭبەك جانە حالىقتى الەۋمەتتىك قورعاۋ مينيسترلىگى مەديسينالىق-الەۋمەتتىك ساراپتاما جۇرگىزۋدىڭ جاڭا قاعيدالارىن بەكىتتى. ەندى پاسيەنت كومادا جاتقان جاعدايدا، مۇگەدەكتىك بەلگىلەۋگە جانە كۇتىم بويىنشا جاردەماقى تاعايىنداۋعا ءوتىنىمدى جاقىن تۋىستارى نەمەسە جۇبايى بەرە الادى، دەپ حابارلايدى infohub.kz سايتى.
ۆەدومستۆو بۇيرىعىنا سايكەس، ەگەر مۇگەدەكتىگى بار ادام كوماتوزدىق جاعدايدا بولۋىنا بايلانىستى كەلىسىم بەرە الماسا، كۇتىم جاسايتىن ادامعا جاردەماقى تاعايىنداۋعا نەگىز جاقىن تۋىسىنىڭ نەمەسە جۇبايىنىڭ ءوتىنىشى بولىپ تابىلادى.
مامانداردىڭ بەتپە-بەت كۋالاندىرۋى ۇيدە نەمەسە ستاسيوناردا جۇرگىزىلەدى. سونىمەن قاتار، ادام تاسىمالداۋعا جارامسىز بولىپ، قىزمەت كورسەتىلەتىن ايماقتان تىس جەردە ستاسيونارلىق ەم الىپ جاتقان جاعدايدا، كۋالاندىرۋ دكك ۇسىنىمى نەگىزىندە سىرتتاي جۇرگىزىلەدى.
سىرتتاي كۋالاندىرۋ كەزىندە № 031/ۋ نىسانى پاسيەنتتىڭ ورنالاسقان جەرى بويىنشا ايماقتىڭ مەديسينالىق ۇيىمىمەن رەسىمدەلەدى.
الايدا، ءوتىنىشتى جاقىن تۋىسى نەمەسە جۇبايى بەرگەن جاعدايدا، مۇگەدەكتىك ءبىر جىلدان اسپايتىن مەرزىمگە بەلگىلەنەدى.
بۇيرىق 2026 جىلعى 25 تامىزدان باستاپ قولدانىسقا ەنەدى.
بۇعان دەيىن «كۋرسيۆ» بيىلعى جىلى قازاقستاندا مۇگەدەكتىك بويىنشا جاردەماقى مولشەرى 10%-عا وسكەنىن جازعان بولاتىن. ەسكە سالايىق، قازىرگى ۋاقىتتا ەلدە مۇگەدەكتىك بويىنشا تولەم الۋشىلاردىڭ سانى 544 مىڭنان اسادى. سونداي-اق، بارلىق قارجىلاندىرۋ كوزدەرىن ەسكەرە وتىرىپ، قازىرگى ۋاقىتتا جيىنتىق تولەمدەردىڭ مولشەرى دە حابارلانعان بولاتىن.