يتاليا بيلىگى كومو كولىندە ءجاسوسپىرىمدى قۇتقارۋ ءۇشىن سۇڭگىپ كەتكەن بريتاندىق ازاماتتى ىزدەستىرىپ جاتىر، دەپ حابارلايدى infohub.kz سايتى.
يتاليالىق بۇقارالىق اقپارات قۇرالدارىنىڭ مالىمەتىنشە، ول دۇيسەنبى كۇنى تۇستەن كەيىن كولدىڭ باتىس جاعالاۋىنداعى سان-سيرو كوممۋناسىنىڭ ماڭىندا سۋدا قينالعان اكە مەن بالانى قۇتقارۋعا تىرىسقان.
ايتۋلارىنشا، ول سول كەزدە دوستاس وتباسىمەن بىرگە قايىقپەن سەرۋەندەپ جۇرگەن. اكەسى مەن بالاسىن كەيىننەن ءوتىپ بارا جاتقان باسقا قايىق قۇتقارىپ العان، الايدا ەر ادام قايتا كورىنبەگەن.
ۇلىبريتانيا سىرتقى ىستەر مينيسترلىگى: «يتاليادا جوعالىپ كەتكەن بريتاندىق ازاماتتىڭ وتباسىنا قولداۋ كورسەتىپ جاتىرمىز جانە جەرگىلىكتى بيلىكپەن بايلانىستامىز»، — دەپ مالىمدەدى.
يتاليانىڭ Ansa اقپارات اگەنتتىگىنىڭ حابارلاۋىنشا، وقيعا ورنىندا تىكۇشاق، سۇڭگۋىرلەر مەن قايىق بولىمشەلەرى جۇمىلدىرىلعان. بۇل تۇستا كولدىڭ تەرەڭدىگى 200 مەتردەن اسۋى مۇمكىن.