كومودو كەسەلى
كومودو كەسەلى – جەر شارىنداعى ەڭ الىپ كەسىرتكە. قارا قوڭىر ءتۇستى، ۇساق سارى داقتارى بولادى. ۇزىندىعى 3 م-گە دەين جەتەدى، سالماعى 136 كەلى شاماسىندا. دەنەسىنىڭ جارتىسىن قۇيرىعى الىپ جاتىر. ۇزىن، جالپاق باستى، تۇمسىعى سۇيىرلەڭ، قابىرشاق دەنەلى، اياقتارى يەلەڭكى. تىستەرىنىڭ جيەگى وتكىر، جەمتىگىن بولشەكتەۋگە ىڭعايلى. جەمتىگىن ۇزاق ۋاقىت جاسىرىنىپ، اڭدىپ جاتىپ ۇستايدى.
كومودو كەسەلى ساعاتىنا 20 شاقىرىمعا دەيىن جۇگىرە الادى. 50 جىل بۇرىن كومودو كەسەلىنىڭ دەنەسى قازىرگىگە قاراعاندا ۇزىنداۋ ءارى ىرىلەۋ بولعان.
كومودو كەسەلى جانۋارلاردىڭ بارلىعىمەن قورەكتەنە بەرەدى، مىسالى بۇعىلار، شوشقالار، سۋ بۋيۆولى، جىلاندار، كەسىرتكەلەر،ت.ب.
كومودو كەسەلى سۋدا جاقسى جۇزەدى. سۋ بەتىندە بالىقتار مەن قۇستاردى اۋلاعانى دا بايقالعان.
كومودو كەسەلى اعاشتار اراسىن پانالاپ، جاندىكتەرمەن، قۇستارمەن، كىشكەنە سۇتقورەكتىلەردىڭ جۇمىرتقالارىمەن دە قورەكتەنەدى. 20 جىلدان 40 جىلعا دەيىن تىرشىلىك ەتەدى. كۇيلەۋ كەزەڭىنەن باسقا ۋاقىتتا دارا تىرشىلىك ەتەدى.
كومودو كەسەلى تەڭىز دەڭگەيىنەن 700 مەتر بيىكتىكتەگى مۋسسوندىق ورمانداردا جانە سۆاننالاردا تىرشىلىك ەتۋگە بەيىمدەلگەن.
You Might Also Like
