تۇركياداعى ورتالىق اناتوليانىڭ كونە گەۆالە قامالىندا قازبا جۇمىستارىن جۇرگىزگەن ارحەولوگتار 4000 مىڭعا جۋىق جىل ۋاقىت بۇرىن سالىنعان قۇپيا تۋننەلدى انىقتادى، - دەپ مالىمدەيدى epochtimes.ru.
گەۆالە قامالى تاككەل تاۋىنىڭ شىنىندا، 1700 مەتر بيىكتىكتە، تۇركياداعى كونيا قالاسىنان باتىسقا قاراي 7 شاقىرىم جەردە ورنالاسقان. بۇل ورىن كوپتەگەن وركەنيەتتەر: حەتتەر، ەللينيستىك، ريمدىك، ۆيزانتيالىق، سەلدجۋكتەر، قارامانيدتەر جانە وسمان ءداۋىرىنىڭ مەكەنى بولعان. سول كەزدەرى قامال ايماقتاعى ەڭ مىقتى قورعانىستاردىڭ بىرىنە اينالدى.
گەۆالە قامالىنداعى ارحەولوگيالىق قازبا جۇمىستارى 2012 جىلى تۇركيانىڭ مادەنيەت مينيسترلىگىنىڭ، كونيا مۇراجايىنىڭ باس ديرەكسياسى جانە ەرباكان ۋنيۆەرسيتەتىنىڭ باسشىلىعىمەن باستالعان. عالىمدار مۇندا اشەكەيلەنگەن جانە اشەكەيلەنبەگەن كەراميكالىق قۇمىرالار، وزگە دە تۇتىنۋ قۇرالدارىن،مەتالل زاتتارىن تاپتى. وتكەن جىلى ارحەولوگتار قورعان ۇيىندىلەرى مەن جارتاستارعا ويىلىپ جازىلعان سيستەرنالاردى قازىپ الدى.
زەرتتەۋشىلەر سونداي-اق حەتتەردىڭ ءتورت مىڭ جىلعا جۋىق بۇرىن سالعان، سەلجۇقتار (ءحى-حى عع.) داۋىرىندە پايدالانىلعان قۇپيا تۋننەلدى انىقتادى، دەپ جازادى Hurriyet Daily News.