مازمۇنى
I كىرىسپە
1. كوپمۇشە. كوپمۇشەنىڭ ستاندارت ءتۇرى، دارەجەسى
II نەگىزگى ءبولىم
1. ساباق جوسپارى
2. رەفلەكسيا
III قورىتىندى
IV پايدالانىلعان ادەبيەتتەر

كىرىسپە
جالپى ءبىلىم سالاسىندا بولىپ جاتقان وزگەرىستەر مەن قابىلدانىپ جاتقان زاڭدار، وقىتۋ مەن وقۋعا وزگەرىس ەنگىزىلۋى جايىندا ءبىرشاما حابارىم بار ەدى. ورتا ءبىلىم بەرۋ جۇيەسىندە الەمدىك جوعارى دەڭگەيگە قول جەتكىزگەن اناعۇرلىم تانىمال وقىتۋ ادىستەمەلەرى اراسىندا سىندارلى وقىتۋ تەورياسىنا نەگىزدەلگەن ءتاسىل كەڭ تاراعان. «تاجىريبەدەگى رەفلەكسيا» جالپى ءبىلىم بەرەتىن مەكتەپتەردەگى پەداگوگيكا كادرلارىنىڭ كاسىبي دامۋ باعدارلاماسىن زەردەلەۋ جانە مەڭگەرۋگە كومەكتەسەتىن نەگىزگى ماتەريال بولىپ تابىلادى. اتالعان باعدارلامادان كۇتىلەتىن ناتيجەلەر وقۋشىلاردىڭ قالاي وقۋ كەرەكتىگىن ۇيرەنىپ، سونىڭ ناتيجەسىندە ەركىن، وزىندىك دالەل - ۋاجدەرىن نانىمدى جەتكىزە بىلەتىن ىنتالى، سەنىمدى، سىني پىكىر - كوزقاراستارى جۇيەلى دامىعان، ساندىق تەحنولوگيالاردا قۇزىرلىلىق تانىتاتىن وقۋشى رەتىندە قالىپتاسۋىن قامتيدى.
ساباقتىڭ تاقىرىبى: «كوپمۇشە. كوپمۇشەنىڭ ستاندارت ءتۇرى، دارەجەسى». ماقساتىم، كوپمۇشە ۇعىمىمەن تانىستىرۋ، كوپمۇشەنىڭ ستاندارت ءتۇرى مەن دارەجەسىن انىقتاۋدى ۇيرەتۋ. تاقىرىپتىڭ مازمۇنىن اشۋ بارىسىندا ءوز ىزدەنىستەرى ارقىلى سىني تۇرعىسىنان ويلاۋعا تاربيەلەۋ. سىني ويلاۋعا بەرىلەتىن تاپسىرمالار، ءوز پىكىرىن نەگىزدەپ، دالەلدەۋدى تالاپ ەتەدى. ءار توپ ءوز ويىن پوستەر ارقىلى قورعاۋ كەرەك سول ارقىلى جاڭا تاقىرىپقا قادام جاسايدى. وسى ماقساتتا وقۋشىلارعا قوسىمشا وتكەن ماتەريالدى تولىق مەڭگەرۋ ماقساتىندا «سۇراق - جاۋاپ» ءادىسىن پايدالاندىم. انىقتاما: بىرنەشە بىرمۇشەلەردىڭ الگەبرالىق قوسىندىسىن كوپمۇشە دەپ اتايمىز. كوپمۇشەنى قۇراستىراتىن بىرمۇشەلەردى كوپمۇشەنىڭ مۇشەلەرى دەپ اتايدى.

كوپمۇشە. كوپمۇشەنىڭ ستاندارت ءتۇرى، دارەجەسى جۇكتەپ الۋ