2026 جىلعى قىسقى وليمپيادا ويىندارىندا التىننان القا تاققان قازاقستاندىق مانەرلەپ سىرعاناۋشى ميحايل شايدوروۆتىڭ ونەرىنە ەكى دۇركىن الەم چەمپيونى ماكسيم ستاۆيسكي باعا بەردى. كوپشىلىك بۇل جەتىستىككە ونشا سەنبەگەنىمەن، ستاۆيسكي سپورتشىنىڭ شەشۋشى ساتتەگى تەحنيكاسىن جوعارى باعالادى.
بۇل تۋرالى Infohub.kz اقپارات اگەنتتىگى حابارلايدى.
شايدوروۆتىڭ وليمپياداداعى التىنى
سپورتشىنىڭ ايتۋىنشا، ميحايل شايدوروۆتىڭ سىرعاناۋ تەحنيكاسى ءمىنسىز بولماسا دا، وليمپياداداعى ەركىن باعدارلاماسىندا سەكىرۋ ەلەمەنتتەرىن جوعارى دەڭگەيدە ورىنداۋى وعان التىن مەدال الىپ بەردى. ستاۆيسكيدىڭ ايتۋىنشا، شايدوروۆتان باسقا ەشكىم مۇنداي دەڭگەيدە سەكىرە الماعان.
سپورتشىنىڭ تەحنيكاسى مەن وليمپيادا قىسىمى
«سىرعاناۋ تەحنيكاسى جاعىنان ول ءسال السىزدەۋ. ءبىراق ميحايلدەن باسقا ەشكىم سەكىرۋ ەلەمەنتتەرىن التىنعا جەتەرلىك دەڭگەيدە ورىنداي المادى. وتە وكىنىشتى، سەبەبى ادام، مالينين مەن كاگيامانىڭ ونەرى ەرەكشە ۇنايدى. الايدا وليمپيادادا كۇيزەلىس پەن مورالدىق قىسىم قاتتى اسەر ەتەدى»، — دەدى ماكسيم ستاۆيسكي Metaratings.ru سايتىنا بەرگەن سۇقباتىندا.