قىرعىزستاندا ىستىقكولگە جاقىن قىرشىن شاتقالىندا دۇنيەجۇزىلىك كوشپەندىلەر ويىندارىنا وراسان زور «كوشپەندىلەر الەمى» ەتنوقالاشىعى تۇرعىزىلدى. بۇل جەردىڭ اۋقىمى مەن اتموسفەراسى الەۋمەتتىك جەلى قولدانۋشىلارىنىڭ ءسۇيسىنىسىن تۋدىردى، دەپ حابارلايدى infohub.kz.
ويىندار وتەتىن كەزەڭدە قىرشىندا الىپ كيىز ءۇي قالاشىعى، سونداي-اق قورعان قابىرعالارى مەن كۇزەت مۇنارالارى بار ەكى قامال ۇيىمداستىرىلدى. ءدال وسى جەردە مادەني باعدارلاما مەن سپورتتىق جارىستاردىڭ باسىم بولىگى وتۋدە. تەك 2 قىركۇيەكتە بۇل جەرگە 10 مىڭعا جۋىق ادام كەلدى.
ەتنوقالاشىقتىڭ ساۋدا قاتارلارىنان قولونەر بۇيىمدارىن ساتىپ الىپ، ۇلتتىق تاعامداردان ءدام تاتۋعا بولادى. اۋەدەن تۇسىرىلگەن ۆيدەو 70 مىڭ لايك جينادى.
قالاشىقتان جاريالانعان بەينەجازبالار كورەرمەندى باۋراپ الاتىن اتموسفەرانى كورسەتەدى: ۇلتتىق كيىمدەگى ارتىستەر، حالىق اسپاپتارىنىڭ ءۇنى. پىكىرلەردە قولدانۋشىلار ءارتۇرلى تىلدە ويىنداردىڭ اۋقىمىنا ءتانتى بولىپ، مۇنداي جوعارى دەڭگەيدەگى ۇيىمداستىرۋ بولاشاقتا دا ساقتالادى دەگەن ءۇمىت بىلدىرۋدە.
«سەمەنوۆ شاتقالىنىڭ كەرەمەت وزگەرىسى»، «مەن ءالى اشىلۋ سالتاناتىنان اۋزىم اشىلىپ جاتىرمىن، ال مىنە تاعى ءبىر عاجايىپ»، — دەپ جازادى قولدانۋشىلار.
دەگەنمەن، قىرعىزستاندىق ب ا ق كەيبىر كەمشىلىكتەردى دە اتاپ وتۋدە. شاتقالعا جەكە كولىكپەن كىرۋگە تىيىم سالىنعان، ال بارلىق قالاۋشىلارعا شاتتل-اۆتوبۋستار جەتىسپەيدى. سونىمەن قاتار، تاماشا اشىلۋ سالتاناتىنان كەيىن كوپتەگەن قىرعىزستاندىقتار بيلىكتىڭ ۇسىنىسىنا قۇلاق اسىپ، شىۇ وتەتىن ۋاقىتتا قالانى تاستاپ كەتكەندەرىنە وكىنىش ءبىلدىردى.