اقمولا وبلىسىندا پوليسيا كوسشى قالاسىنداعى كاسىپورىنداردىڭ بىرىنەن 25 ميلليون تەڭگەگە جۋىق قاراجاتتىڭ جىمقىرىلۋىن تەرگەپ جاتىر، دەپ حابارلايدى infohub.kz.
وڭىرلىك پوليسيا دەپارتامەنتىنىڭ حابارلاۋىنشا، اقشا ءجشس-تىڭ ەسەپشوتىنان 2023-2025 جىلدار ارالىعىندا جوعالىپ كەتكەن. تەرگەۋ نۇسقاسى بويىنشا، قاراجات جىمقىرىلىپ، ءۇشىنشى تاراپ ۇيىمىنىڭ شوتىنا اۋدارىلعان.
پوليسيا قىلمىستىق ءىس قوزعادى. ءقازىر تەرگەۋشىلەر كاسىپورىننىڭ قارجىلىق قۇجاتتارىن، اقشا قوزعالىسىن زەردەلەپ، قاجەتتى سوت ساراپتامالارىن تاعايىندادى.
«ءىس بويىنشا بىرنەشە ادام انىقتالدى، ولاردىڭ جاسالعان قىلمىسقا قاتىستىلىعى سوتقا دەيىنگى تەرگەۋ بارىسىندا تەكسەرىلۋدە»، — دەپ حابارلادى پوليسيادان.
ۆەدومستۆو وقيعانىڭ بارلىق ءمان-جايىن انىقتاۋعا نيەتتى ەكەنىن مالىمدەدى.