الەۋمەتتىك جەلىلەردە قوستانايداعى اۋرۋحانادا بولعان جانجالدىڭ ۆيدەوسى تارادى. وندا ناۋقاس ايەل قىزمەتكەرگە دەنە جاراقاتىن سالامىن دەپ قورقىتقان. ەر ادام ونى «ولتىرەمىن» جانە «باسىڭدى الامىن» دەپ سەندىرگەن. بۇل تۋرالى infohub.kz سايتى حابارلايدى.
قىزمەتكەردىڭ ايتۋىنشا، ول ناۋقاستان باسقا اۋىسىمدا كەلۋىن سۇراعان سوڭ وسى وقيعا بولعان. ەر ادام باستاپقىدا كەلىسكەن، ءبىراق دياليز پروسەدۋراسىنا كەلگەن كەزدە ايعايلاپ، بالاعات سوزدەر ايتىپ، ونى ادىلەتسىزدىك تانىتتى دەپ ايىپتاي باستاعان. قىزدىڭ سوزىنە قاراعاندا، بۇل ناۋقاستار تاراپىنان بولاتىن العاشقى اگرەسسيا ەمەس، مۇنداي جاعدايلارمەن ول جانە ونىڭ ارىپتەستەرى ءجيى كەزەدەسەدى.
«ولىممەن قورقىتۋ – بۇل كاسىپتىڭ بولىگى ەمەس. قورلاۋ – كاسىپتىڭ بولىگى ەمەس. مەديسينا قىزمەتكەرىن كەمسىتۋ – كاسىپتىڭ بولىگى ەمەس»، – دەپ جازدى ول ءوز جازباسىندا.
رەداكسيا انىقتاعانداي، جانجال «بيوس» دياليز ورتالىعىنىڭ قوستاناي فيليالىندا بولعان. ۇيىم وكىلدەرى تۇسىنىكتەمە بەرۋدەن باس تارتىپ: «قازىرگى ۋاقىتتا ەشقانداي تۇسىنىكتەمە جوق»، – دەدى.
قوستاناي وبلىسى پوليسيا دەپارتامەنتىنىڭ حابارلاۋىنشا، بۇل فاكتى بويىنشا رەسمي ارىزدار كەلىپ تۇسپەگەن. قالالىق دەنساۋلىق ساقتاۋ باسقارماسى جاعدايعا اسەر ەتە المايتىندارىن ايتتى، سەبەبى «مەديسينالىق ۇيىم – جەكە مەنشىك قۇرىلىم جانە قوستاناي وبلىسى اكىمدىگىنىڭ دەنساۋلىق ساقتاۋ باسقارماسىنا قارامايدى».