قوستانايدا وتباسىلىق جانجال قىلمىستىق ىسكە ۇلاستى. زارداپ شەككەندەرگە كومەك ورتالىعىنىڭ مالىمەتىنشە، ايەل كۇيەۋىنىڭ تۋىستارى تاراپىنان بىرنەشە رەت زورلىق-زومبىلىققا ۇشىراعان. سوڭعى وقيعا كىردىڭ كەپتىرىلۋىنە بايلانىستى بولعان، دەپ حابارلايدى infohub.kz.
زارداپ شەككەن ايەلدىڭ ايتۋىنشا، ول بۇعان دەيىن پوليسياعا ارىزدانعان، ءبىراق ول كەزدە ارىزى قابىلدانباعان. جاڭا جانجال ول ءۇيدىڭ جانىنا كىر ىلۋگە ىلگەننەن كەيىن باستالدى. كۇيەۋىنىڭ تۋىستارى كەلىپ، تەرەزەنى سىندىرىپ، جانجال شىعارعان.
قوستاناي وبلىسى پوليسيا دەپارتامەنتىنىڭ ءباسپاسوز قىزمەتى 22 تامىزدا قوستانايدىڭ 57 جاستاعى تۇرعىنى مەن ونىڭ 24 جاستاعى كەلىنى اراسىنداعى وتباسىلىق جانجال تۋرالى حابارلاما تۇسكەنىن راستادى. وقيعا ورنىنا ۋچاسكەلىك ينسپەكتور شىقتى. ءۇيدىڭ اينەگىن ءۇي يەسىنىڭ قىزى سىندىرعانى انىقتالدى.
دەنە جاراقاتىن كەلتىرۋ فاكتىلەرى بويىنشا ەكى ايەلگە قاتىستى قىلمىستىق ءىس قوزعالدى. جانجالعا قاتىسۋشىلاردىڭ ءارقايسىسىنىڭ ارەكەتىنە قۇقىقتىق باعا بەرىلەدى. سونىمەن قاتار، ايەلدەرگە بىر-بىرىمەن بايلانىسۋعا تىيىم سالاتىن قورعاۋ نۇسقامالارى شىعارىلدى. تەرگەۋ جالعاسۋدا.